Underage pre matital sex
Khawvel chang-kanna hian kan economic develop-ment chauh nghawng loin kan socio cultural aspect te pawh a khawih tel nasa hle mai a. Kan ngaihdan te, kan duh zawng leh ngaihsan zawng te pawh a rawn in thlak chho zel a.
Hetah chiah hian a ni kan ṭhalaiten mipat hmeichhiatna (pre marital sex) hman pawi tih lohna rilru a pung chho zel a. Hei hian nau tih tlak hial pawi tih lohna thlengin a thlen chho mek a ni.
Sex ngaihhlutna a tlahniam a, a mi-hring chezuala te nun chauh loah pawh, an chhungte leh khawtlangah te pawh buaina thui tak a siam ta ṭhin a ni.
Kum tling loa mipat hmeichhiatnaa in hmang rate a sang chho tial tial a, hetiang hi a nih takah chuan ngaihtuahna a rawn lang hmasa ber chu, invenna te an hmang em? Sexually Transmitted Disease leh Unplanned Preg-nancy lakah tal an inveng em? Nu leh pate chuan an fate enkawlna kawngah an theihtawk an chhuah ṭhin a, mahse hei hi a tawk tawh lo a ni.
Naupangte chu an social environment hi a pawimawh em em a, an rilru hnehtu ber zawk chu an ṭhinte leh TV/ internet a an thil hmuh ṭhin te hian a ni.
Enge kan tih theih, in zilh ringawt leh thu ṭha in hrilh hi a tawk ta lo. Sex education te hi school-ah tun ai hian ngai pawimawh zual ila. A ruh langa pre marital sex-in nun a tihchhiat theih dan te hi in zirtir ila, kan
ṭangkai pui thei zawk mah awm mang e aw tih te hi rilruah a lian hle.
Mipat hmeichhiat-na hmang ve duh si, a invenna (condom) lam lei ngam leh si loh avang hian ṭhalai tam takte nun a chhe mek a, a buai mek a ni. Hengho hi an thleng chin tur thleng phak loin an awm mek a ni. Hetiang dinhmuna an din tak chhan chu sex an hman hmain a invenna lam an lei ngam loh vang leh lei ngam tura kan zirtir ngun tawk loh vang a ni.
Hetiang zela kan kal chuan reiloteah thil pawi lian zawk kan hmachhawn dawn, sex an hmang dawn tho a, an nunah thil pawi lian zawk a thlen ai chuan a invenna lam ngai pawimawh thiam tura thil engkim chiang taka zirtir a, kawhhmuh mai hi a finthlak zawk ang.
Ṭhalaite u, "Pa-thian ṭih hi finna bul a ni, miin Pathian ṭih vangin sual a kalsan ṭhin" tih hre reng chungin fimkhur takin in nun hmang ang che u.
- Maria Lalengmawii, MSW, Mizoram University