Mizote uar bik 'And' leh '&'

Mizote hi pawl/department hminga 'and' a telnaah a lamtawia 'and' sawi tel chíng, ziakah pawh '&' ziak tel chíng tak kan ni a, a 'international' lo viau a ni âwm mange!

Hming lamtawia 'and' sawi tel leh & ziah tel a dik lo, han tih theih chu a ni kher lo mai thei. Mahse, khawvel ram dangah leh hnam dangte hian an chîng ve vak lo niin a lang a, hmuh leh hriat tur a váng; a international vak lo a nih hmel chu! A chhan chu–UNO hnuaia pawl hrang hrangah leh khawvel huapa abbreviation kan hriat lâr hoah hian 'and' an sawi tel ngai meuh lo a, '&' an ziak tel lo tlangpui bawk.

Hengte hi han en ila, a lamtawiah 'and' an sawi tel ngai lo a, & an ziak tel ngai lo bawk.

FAO–Food and Agriculture Organization

UNESCO–United Nations Educational, Scientific and Cultural Organization

UNCTAD–United Nations Conference on Trade and Development

UNODC–United Nations Office on Drugs and Crime

GAID–Global Alliance for ICT and Development

Heng hi entirna chauh a ni a, a dang pawh tam tak a awm âwm e.

India ram chhung bikah pawh hming lamtawia 'and' sawi tel leh '&' ziah tel an chîng lem lo; kan ṭhenawm hmarchhak state dangahte pawh an chîng ve vak lo. Sawrkar laipuia ministry hrang hrangah hian 'of' a awmin a lamtawiah 'o' hmang tel an awm zauh zauh thung.

Hengte hi han en ila:

MoEF–Ministry of Environment & Forests

MoHFW–Ministry of Health & Family Welfare

MoRTH–Ministry of Road Transport and Highways

MSME–Ministry of Micro, Small & Medium Enterprises

DST–Department of Science and Technology

DRDO – Defence Research and Development Organisation

GST–Goods and Services Tax

AMRUT–Atal Mission for Rejuvenation and Urban Transformation

CSIR–Council for Scientific and Industrial Research

FICCI–Federation of Indian Chambers of Commerce and Industry

NABARD–National Bank for Agricultural and Rural Development

ONGC–Oil and Natural Gas Corporation

Hengte hi a langsar deuh ho a ni mai a, a dang pawh tam tak a la awm ang.

Hming lamtawia 'and' sawi tel leh '&' ziah tel hi Mizoram pâwnah chuan an chîng ve vak lo nia a lan lai hian, an telh ngai lo vek e, tihna erawh a ni lo.

Lamtawi sawia 'and' tih sawi tel leh '&' ziah tel hi thil dik lo tawp chu ni lo mah se, thil ṭul lem lo a ni. Mizote'n heti taka kan uar hi tih dan tur dik ber a ni e, kan tih vang ni loin, chìn ṭhana kan lo neih tawh vang mai mai niin a lang a; chíng tawh lo ila a ṭhain a felfai zawk mah âwm asin. Bakah, a 'international' lo riau!

Entirna'n:

I&PR aiah IPR

DP&AR aiah DPAR

FCS&CA aiah FCSCA

UD&PA aiah UDPA

MF&AS aiah MFAS

etc. etc.

- Kezo