Aizawlin auto-rickshaw emaw 2wheeler taxi kan mamawh

Aizawl khawpui chhung ar hmai tiat lekah taxi sang tam fe a tlan mek a, a rate lah state transport authority (STA) bituk aiin an khawn tam zawk zel a, zanah phei chuan a tam zawkin rate hran neiin chhun aiin an ti to fe lehnghal. Hei hi a hmangtu mipuite pawhin kan hriat a, huaisen taka rate uchuaka kan chawi ṭhin hi kan do ve a ngai ta a ni.

Taxi-te hian hlawk an inti lo vek a, hlawk zawk tur leh traffic jam nasa pumpelh nan intlanchhawk rawt leh a ni a, mahse an duh lo a nih kha. Traffic jam nasa tak karah hmanhmawh taka kan thlen duhna thleng thei loa kan awm hi a manganthlak takzet a, chuvangin dan anga passenger phur thei tow-wheelers service hi kan mamawh takzet tawh a ni.

Tow-wheelers service mai pawh kei chu ka duhtawk ta lo, district dang khawpuia leh sub-division hrang hranga an tih angin auto-rickshow hi Aizawlah service tir a hun ta lo maw? To tak taka taxi hire ngai loin auto-rickshow awm ta se mirethei tan a manhla dawn em !!! Kan taxi fare hi a sang lulai deuh chu a ni e.

District hrang hrang khawpuiah pawh auto-rickshow a service thei a, Aizawl khawpui kawngpui zawng zawng deuhthaw-ah engvangin nge a service theih loh tehluh ang. Taxi stand ṭhenkhatah chuan contri system-in an kal a, passenger-ten tlemte te-in an thawhkhawm a, taxi ṭhenkhat chu hire-in hmang ta ila, passenger dang lo phar an hmuh chuan min rawn loin an la ve mai a, an chuan chi man an la ve leh mai a. A hire-tu zahna an nei lo a, an pawisa lak
aṭang khan an hire man kha an cut leh chuang lo a, fair lo tak a ni.

Chuvangin sorkar hian mipui hmakhua ngaiin auto-rickshow service tur leh tow-wheelers service 500 vel permit pe se mipui tan sum sen a tlem ang a, nakin lawkah chuan traffic jam nasa tak pawh pumpelh hret hret theih a rinawm.

- Lalmawia