PRIVATE SCHOOL-TE RUM ṬHIN MAH ILA KAN HLIM ASIN!
Miten a lanna tlang dang
aṭangin an thlir a, ral aṭangin an duh anga hla sa turin min ngen a; an tu leh fate beidawng awm tlei turin min thlang leh si ṭhin...
Sumdawng School tia min ko tawk awm mahse an mawh lo e - source awm ve ta lo chu naupang fee aṭanga in manage a ngai miau alawm! Keini aia admission fee la sang an awm tih erawh hria ila, in thlahrun viauna turah kei chuan ka ngai lo!
Fahrawn kan nihna lai te pawh a awm lek lek awm e. “A che che sihhlawkah” tih hlaua kan ip chawih chawih changte a awm ṭhin kha! Min ‘Nuthuri zuam’ chu ka ti hauh lo, kan kuta sahrang awm te hi a tui bik a nih loh pawhin a te bik lo a ni mahna le! HSLC leh HSSLC Result
ṭha neite tan sawrkar leh hotute
aṭanga lawmpuina chibai thuthawn chu ‘vana rah ang’ nimahse, kan hlim a, amaherawh tu pawi nge kan sawi tak tih ram ram chang a awm ṭhin.
State tinah leh ram tinah private institution-te an parvul zual zel. Colleges, technical institutions leh university
ṭha ber berte hi private a ni tih hria ang che. Khawvel ram university ṭha zual thlan-khawmte pawh sawrkar ta a ni bik hlei nem. Tuna officers lian ber berte hi private school naupangte an ni kher lo ang. An hunlaiin tun angin private school-te hi a la awm lo pawh a ni mahna le. Graduate hlima sawrkar hnain a lo hmuah hun a liam ta, tunlaia mi hlawhtlingte erawh nangmahni product-te khawvel tih theih hial a ni ta ve ang. He intihsiakna tawp thei lo ai chuan ṭanrualna hian kan ram a siamṭhat zawk ka ring ṭhin.
India ramah Mizoram hi School Fees tlawmna berte zinga mi a nih ka ring a, patling thla khat kuhva leh zial man em pawh a tlin ka ring lo. Heng private school-te hian mi harsa zawkte tan fees concession tam tak an pe a. Tam tak a free a chawm an nei bawk. Chu chauh a ni hlei nem, kohhran hrang hrang missionaries rethei te te leh pastor te concession pek an nihzia hi hmuh hmaih chi niin ka hre lo. Heng harsatnate hi chona leh phurna min petu a ni tlat lawi si. Failed beidawngte ti passed tu, thiam lo zawkte dinhmun sanga hlangkaitute in nihzia hi ropui ka ti. Mi thiam lo ber ber thlengin an pan khawmna private school-te result hi ka chhuang ṭhin.
Education Statistic 2013 kan en chuan ram pum huapin private School-ah naupang 121,011 an awm a. Govt School-ah naupang 109,819 an awm thung. Aizawl District bikah hian Primary aṭanga Higher-ah chuan Private School-in naupang 60,215 an nei a, Government School-ah naupang 38,611 an awm. Ram pum huapin private school-ah zirtirtu 7,061 an awm laiin government school-ah zirtirtu 10,043 an awm thung.
Ram pum huapin HSLC leh HSSLC 2016 Private School Resul tlo thlir leh thuak ila, hetiangin:-
Sum leh pai, in leh lo aiin a enkawltu mihring an pawimawh zawk tih hriain, ram leh hnam din chhuah nan theihtawp chhuaha ṭhahnem ngai turin ka fuih duh che u a ni.
In thawkrim a, in chau si lo a, thawhrim chu chawlhna nuam a niin kan nau te hlawhtling lai hmel hmuh tluka nuam a awm lo ang hian in zirtirtute thawhrimna zawng zawngah pawh lawmthu ka sawi bawk a ni.
- Lalthlamuana Hnamte, President, MISA