Zu hi

1. Zu ngawlvei pawh hian makpa atan chuan zu in lo bawk an duh.

2. Zu zuar tamnaah chuan zu in mi pawh an tam.

3. Zu ruih hmang chuan thil pawi tinreng khawih leh sawi hi a inhmeh bik.

4. Zu ngawlvei chuan zan lam hi zu in nan a hmang a, zing lam hi penṭawng thawi nan a hmang ṭhin.

5. Zu rui na­zawngin thil an tisual kher lo a, thil tisualtu tam zawk erawh chuan zu an ruih avangin thil an tisual.

6. Zu ngawlvei chuan zu mana sum sen a ui ngai lo.

7. Zu ruih hmang chuan ruih at pawh a ching.

8. Zu um hnung hi damdawi umin a zui ṭhin.

9. Zu ngawlvei thih hun chu a zu nghei hun a ni.

10. Zu sawi mawitu chuan sual a sawi mawi a ni.

11. Zu hmuam khat mah hmuam ngai lo chu zu ngawlvei a ni ngai lo ang.

12. Zu hi a tirah chuan hlimna min thlentu a ni a, zawngchhang hnuah chuan ṭahna min thlentu a ni.

13. Zu hi sual chiah puamna ṭha ber a ni a, sual te tak te pawh zua chiah chuan a puam lian tual tual ṭhin.

14. Zu hi sum senga hriselna hlohtirtu a ni.

15. Zu hi taksa, rilru leh thlarau tan tûr a ni.

16. Zu chawhpawlh in ṭhin chuan ruihât a nei duh bik.

17. Zu bel dik tak chu zu heh mite hi an ni a, zial bur dik tak chu zial heh mite hi an ni.

18. Zu in ruk hmang leh zial zuk ruk chingte hi ruk ruk hmang chikhat an ni.

19. Zu in ṭhat lohzia hriatna mai chuan sim duhna a neih theih chuang lo.

20. Zu leh hmeichhiaah chuan hlimna leh lungngaihna a awm kawp a ni.

21. Zu leh hmei­chhia chuan ṭhalaite chauh ni loin nu leh pa, pitar, putar pawh a tirui ṭhin.

22. Zu bawiha tang lo tur chuan Isua Krista bawiha tan a ngai.