Power-a kan intodelh lo hi

Ram mipuite hian tui in tur kan mawmawh a, kawng ṭha kan mamawh a, kawlphetha (power) kan mamawh a, zirna ṭha leh damdawiin ṭha tak kan mamawh.

Heng zingah hian Power & Electricity lama intodelh hi a hun tawh hle mai. Mahnia sorkar kan neih (UT, 1972) ve aṭangin kum 40 a liam tawh. Kan ram luite hi a khuah theih a, Power MW2000 chuang siam chhuah theihna a awm kan ti chamchi si a, engatinge MW200 em pawh kan siam chhuah theih thlawt loh le?

MPC an ni emaw MNF an ni emaw Congress Party an ni emaw, a sorkar apiang te hian Power-a intodelh hi tih tak zeta beih a hun ta hle mai. Hnaivai deuh bera an siam Tuirial Hydel Project atana hmalakna kan hre ve pha si lo a, kan sorkar hian heti ringawt maia mi state siam chhuah rin kum khuaa mipui hnena a chhit man tam tak khawn leh ringawt mai hi chu State Sorkar tan chuan chona lian tak a ni e. State danga mi kan leina leh mipui thawh ve khaikhin leh ringawt mai ṭhin hi chu a khamawm ta lua e.

Mihring kan la tlem a, Industry hian kan nei lo a, kan power mamawh pawh a la tam lo.

A san ber laiin MW70-80 inkar vel kan hmang an ti a, mipuiin a thlawn deuh thawa kan hman khawp MW100 tal te hi chu siam chhuak turin Sorkar leh a mawhphurtu department-in ṭan la tak tak teh se.

Kan Sorkar hian tun tum an hman zawh hnu hian Power-a intodelh turin hma a lak a ngai ta takzet a ni. Engtikah nge power-ah kan intodelh ang tih tal hi rin thu talin min hrilh teh se. Kan chhehvel state tluk pakhatmah (power bikah) kan nei lo ringawt pawh hi ram hruaitu tan chuan zahthlaka laka ṭan lak a hun hle mai.

Thuneitu apiang-te hian midang mawhpuh loin hma la mai teh se. Mipui pawhin power hi i veiin i ngaihven ang u...