Sum hlepruk thihna-Tirhkohte 5:1-5

Tunlai duhamna avanga pawisa hleprukna hluar em em karah heng Bible kan Pathian thute hi i chhiar ṭhin teh hlawm ang u.

Hei lo pawh kan Bible bung leh changah a tam a, Exodus 20:5 a Thusawm Pek-ah "I ru tur a ni lo" tih te, kut tling lova hausa ṭhat lohzia Jeremia 17:11-ah te, Fel lohnaa in sa rilru pik dan tur Jeremia 22:13-15 a a sawi te.

Hlepruk hmang-ten Pathian ram an luah loh turzia sawi te, a tam mai chhiar zel ila.

Ringtuten an neih an inṭawm vek ṭhin lai pawhin, Anania te nupa-in ram an hralhna man an lo zep ṭhen kha. Petera'n engtinnge Anania a tih kha, "Anani, Thlarau thianghlim bum tur leh ram man a ṭhen zep turin engtinnge Setana'n i thinlung a tih khauh le' a tih thu a hriat khan, Anania a tlu a, a thi ta a" a ti mai a nih kha. Setana'n kan rilru-ah sual thihna min neihtir ṭhin a nih hlawm hi.

Rorelna dik Bible-in a sawi dan - Rev. C. Rosiama tih bu phek 14-na hnuai lama inziak ang khan, corruption chingte vanduai dan tur Bible-in a sawi tam khawp mai, "Lei dawthei hmanga sum deh chhuah chu chhum, thli chhem len chhem len a ni, a zawngtu chu thihna zawng a ni" Thufingte 21:6 tih a nih kha. Tute hian nge thihna zawng hlawm le i inen hlawm teh ang u.