BELHCHIAN LEH LUNGNGAIH A TI ZUAL...

Assam nena kan ramri buaiah hian Mizoram sawrkarin na tek tawk leh inti ram neitu taka Assam a lo nawr ngam ngai loh chhan ber nia lang ta chu... 

Hei Indian Forest Act 1878 hmangin , Assam sawr­karin ni 17 October 1878 daih tawh khan Notification felfai tak a lo chhuah daih tawh a (Mizoram chu sawi loh Lusei/ Lushai ang emaw pawha a rima ra kan la neih mumal hma a ni ngei mai sia). 

Chutiang taka Inner Line Reserved Forest (ILRF) area/ boundary siam pawh chu chhan hrang hrang avangin kan Mizoram sawrkar hian a lo pawm fel ve thlip thlep tawh a nih chuan ....eng nge kan ramri dinhmun dik tak chu chutiang tak chuan Mizoram mipuite min hrilh fiah mai loh le... Kan State sawrkar hnuaia Environment, Forest & Climate Change  Department te'n an Annual Report 2014-15 & 2015-16 ah an lo chhuah fel thlip thlep tawh zui. 

Nge ni... Once and For All tiin bei nge sei run dung tiin ram leh hnam anga ṭangrual ṭhapin kan vaukam te chu  invai kian zau ve leh deuh hlek tal tumin kan han che leh hram zawk dawn em ni? Boruak a va hrisel lovin a va beidawn thlak ṭhin em. 

Inner Line Reserved Forest kan lo chei Mizoram ve ṭhin kha maw... 509 square miles (1,318 square kilometres) a 220 square miles (570 square kilometres) chauh, chu chu 43% vel chauh kan lo chang tawh zawk a nih reng chu. Mut hahdam kan tum tawh mai zawk dawn nge... ka tum nge ruh saruh tiin beidawng tur khawp khawpin kan la bei hlei nem tiin ka han phusa  phur sauh leh zawk dawn em ni? 

(Vide Notification No.5 of 17.10.1878 under Sec. 34 of the Indian Forest Act, 1878 of Revenue Deptt., Govt, of Assam). 

Out of the total Innerline Reserved Forest area of 509 sq. miles or 1318.31 sq. kms. only 570.00 sq. km. (i.e 385 sq. km under Kolasib Forest Division + 185 Sq.km. under Darlawn Forest Division)  is falling inside Mizoram, and another 748.31 sq. km. is falling inside Cachar District of Assam.

(Source: Administrative Report 2014-15 & 2015-16- Environment, Forests & Climate Change Department, Govt. of Mizoram)