Lui sa humhalh hun

Mizoram khaw ṭhen­khatin an ram huam chhunga lui sangha an humhalh a, nghafuan ven lai phei chuan thuchhuahte an siam ṭhin. October, November thla vel a nghafuan tui kha an keuvin tunah chuan sanghah note lui tam takah an phu mar mar ang.

Khua a ṭhal a, ruin emaw, chinai emaw, bleaching powder emaw hmanga lui nghate man tum an tam hunlai a ni. Khawpuia lirthei nei hote ram vah duh hunlai a ni a, sangha note lak tham loh kan ti thi leh ṭeuh ṭeuh ang tih a hlauhawm hle a ni. Chuvangin, ṭhal lai tui kam lai January - May thlang hi sangha humhalh hunlai tak a ni. Khawtin te kha mahni ramchin hum­halhah ṭan i la thar leh teh ang u.

Len leh nghakuai chuah hi sangha man nan hman phal ila chu chu kan zavai a ṭhat tlanna tur a ni. Kan ram hi lui sangha te hi phairama mi aia tui te a ni hlawm a. Kan enkawl thiam leh kan nihlawh a ni mai.