Mizoram chhunga cheng nghet tihfiahna Domicile Certificate neih a ṭul em?
Mizoram Public Service Commission-in MCS Combine Preliminary result a tichhuak a, social media platform hrang hrangah a tlingte hming hmuh tur a awm. Tlingte hi Mains exam ṭha taka an tih theihna turin duhsakna ka hlan a; tling zo ve ta lo pawh hnual mai loa rim leh taima zawka inbuatsaih turin duhsakna ka hlan e.
Domicile certificate chu eng nge?
India ramah hian khua leh tui tu pawhin an chên leh awm nghehna nemnghettu lehkha an awmna state aṭangin an nei tur a ni a, chu chu Domicile Certificate chu a ni. (In India, every citizen must obtain a domicile certificate as proof of permanent residence of a particular state or union territory). Domicile certificate hi lehkha pawimawh tak a ni a, sorkarin thil chi hrang hrangah state chhunga cheng nghet an nihzia lantirna atan a hmang ṭhin.
Domicile certificate in Assam
Mizoram ṭhenawm Assam state chuan domicile certificate hi thil pawimawh chi hrang hrangah an hmang ṭangkai hle. Deputy Commissioner hnen aṭanga lak theih a ni.
Mizoram hian domicile certificate hi kan nei ve lo a, hemi ang deuh hi residential certificate kan nei a, Deputy Commissioner office-te aṭangin pek chhuah ṭhin a ni. Domicile certificate ang hian residential certificate hi a chak tawk lo a ni thei ang em tih hi zawhna lian tak a ni.
Domicile certificate-ah chuan a diltu kha state chhunga cheng nghet ngei a ni em tih finfiah ngei tur a ni (residential status of the citizens who permanently reside in the state). Assam domicile certificate dil thei tur hian tehfung tam tak a awm a, a chipchiar chu luhkhung zel lo mai ang. Hre chiang duh tan Govt of Assam website tarlanah hmuh theih a ni e.
Mizoram PSC Eligibility Criteria:
Nationality: The applicant must be an Indian citizen.
* He/she must be a permanent resident of Mizoram.
* An applicant will also be eligible if either of their parents or any of their direct ancestors are permanent resident of the state having official documentation.
(mpsc.mizoram.gov.in)
Hei ve thung hi
MPSC-in MCS combined exam, MJS exam a buatsaih tawh ṭhinahte khan Mizoram chhunga cheng nghet ni lo (domicile certificate nei thei tura ngaih loh) ṭhenawm state-a in leh lo nghet nei ngei nia hriat tling an awm ṭhin ngeia hriat a ni. Hei hi a ṭha mai a lawm kan ti dawn nge, tuna kan kalpui dan aia khauh zawka kalpui hi a ṭul ta a ni lo'm ni kan ti dawn le?
Kamrul Islam Laskar-a'n Mizo sa a phun theihna tura khatih hun laia Champhaia thawk officer-te'n an lo buaipui tlat te, Kamlova Chhangte hminga tribal certificate vawk hnih a lak theihna tura Ṭhuampui Vengin an lo recommend maite bakah, a tribal certificate neih sûttir (cancel) tuma kan NGO lian leh zirlai pawlin tribal certificate cancel theitu (canceling authority) ni lo hnena an han thlen tlat danahte kha thil mak leh danglam tak chu a ni e.
Source: Government of Assam–Home and Political
- Huna kawlvawm