Kan sa ei hi

Mizote hi sa kan ei nasa an ti ṭhina hei hi chu chhiar tlem vang mai mai a ni. Sapho khu sa hi an lo ei nasa hle mai ka ti. Sapho chuan sa hi chawhmemah an hmang lova, chaw a ni nghal a, an sa ei khu a thinghlim em em a, chu chu Mizote nen kan inan lohna a ni.

Mizote hi sa duh, sa lawm, sa tihthianghlim na­chang hre si lo kan ni.

Sorkarin ran talhna Aizawlah a siama hei hi an hmang ṭang­kai tawk lo an la ti ta deuh deuh. Aizawla bakah chuan kan thiam ang angin sa kan talh a, kan thiam ang angin kan sawngbawl tihna a ni. Sa hi tui ti hle mah ila thianghlim taka sawngbawl tur a ni tih lam hi chu tumah hian kan ngaihtuah lo a nih loh pawhin kan sawi chhuak lo.

Kawngpui kamah sa kan han sat tawp mai hi chu a zialo deuh e. Motor khu a bet vek dawn. Kawnpui sirah hian nilenga lirthei i hun chuan vaivut khiin a bawh ṭhin tih i hmu. Chu aia khu hip lut thei zawk sa kan han sat hi chu vaivut khu kan ei tel ang tih hi a chiang reng a ni.

Hman deuhah khan Modern Meat Shop tih kha a awm a, kha kha an khar leh ta nge an uar leh tawh lo zawk ni?

Mizo zingah sa ei lo tawp hi chu kan tlem ka ring a, sathianghlim ei ṭhin pawh kan tlem ang.

Kan bazara a hmun ṭawp deuh sa zawrhna a nite hi a inhmeh loa, kan thil duh em em zawrhna hi chu a thianghlim tur a ni. Kan sa lakluh­na pawh hi kan hriat chian a ngai a, vawk leh bawngte hi khawia mi nge an niha eng anga châwm len nge an nih pawh kan hre lo.

Tun hnaiah uisa pawh an zuar nasa ta a, tun hma gin uisa hi zu nen kan hmehbel tawh lo. Ṭhangthar hi chuan uisa hi sa chikhatah an ngai a, keini chuan tun hma chuan sulah kan ngai hial ṭhin.

Kan ui ei hi vairam aṭanga lakluh street dog nia an sawi hi a dik chuan a hrisel loh piah lamah a tenawm ka ring. Sa hmeh loh kan hlaua sa thianghlim hmeh loh hlauh nachang i i hre tawh teh ang u.