Pathianiah Helmet khum lo an tam

Aizawl khawpui veng hrang hrangah a bikin Pathianni-ah twowheelers khalh helmet khum loa tlan an tam ṭhin hle. Kawngpui tlangdung (main road/Spine) aiin vengchhungah khum loa tow wheelers khalh an tam. Heng ho hian traffic police chauh an hlau emaw tih tur a ni a, an mahni tan a ni reng si a.

Helmet hi tow wheelers khalh chuan an khum ngei ngei tur a ni a, state ṭhenkhat an strict deuhnaah phei chuan a hnunga chuang (pillion riders) pawhin khum vek tur an ti a, helmet spare an pai fur zel zawk a. Keini ve zing kawngah te thlengin helmet khum loa chak tak taka tlan hmuh tur an tam thei hle.

Aizawl chang a ni lo, khawtinah Biakina inkhawm tur leh haw lamte helmet khum lo an tam ṭhin viau mai. A bikin Pathian biak inkhawma kal leh haw dan zawm lo hmuh tur an kat nuk mai. Heng ho hian an mahni hmakhua ngai loin traffic police hlauh vang chauhin helmet an khum ṭhin tih a chiang. Chetsualna tawk ta se an tan a hlauhawm zia an hre ve vek si a, eng ngati nge helmet khum loa twowheelers khalh si lumkhum an ngaih pawimawh miah loh tih hi a ni. An mawl vang leh engemaw riau-a inhriat vang a ni chek ang chu maw?

Sakhaw rawngbawltute leh kohhran member ṭha tak te, KṬP active member thlengin lukhum khum loa scooty/bike khalh ho hi hrilhfiah a, an chhungte pawhin a hlauhawm zia hrilh hriat fo tur a ni. Traffic police awm lai leh an duty vang chauha helmet hi khum tur an ni lo. An himna zawk tura sorkarin a duan a ni a, dan zawm loa lirtheih khalh reng reng chu mahni tan a him lo em em a ni.

Zin kawngah takte hian a nia hlauhawm ni. Chak tak takin helmet khum loin an tlan a, han petek hlauh se an lu sawhkeh mai theih a ni tih hre kur si, fimkhur si lote hi hmuh an hrehawm khawp mai.

- Lalkhirhvela