Green Mizoram vs Lo hal

Mizoram-ah Green Mizoram kan kalpuina pawh a lo rei ve leh ta khawp mai, hma sawnna kawng ṭhen-khatah hmuh tur awm bawk mah se, mipui mimir eizawnna nen ala inmil chiah loh avangin a hlawhtlinna tak tak erawh kan la hmu lo niin a lang.

Mizoram hi state rethei leh hnufual kan nih avangin mipui tam zawk te ei zawnna pawh hman ata tun thlengin 'lo neih' a la ni. Zawlkhawpui leh District Capital-ah te chuan sorkar hna leh sumdawnna hmanga eizawng mi tam zawk kan ni a, lo neia eizawng chu a tlem zawk kan ni. Mizoram-ah hian khaw 800 vel a awm a, a ram zim zia ngaihtuahin he ti zat khaw awm ta chu, khaw te leh mihring cheng pawh Ui hum zat lek awmna khaw tam tak a awm ang tih chu thil chiang tak a ni. Heng khua zawng zawngah te hian Sorkar hmun pawimawh leh Office lian te dah vek dawn ila pakhat te te pawhin kan inchan lo ang. Ṭawnghuat thu suhah, thing tlang khaw tam zawka kan sorkar hna thawk hmuh phak chu zirtirtute an ni deuh mai a, thil dang beisei tur teh chiam a awm lo! Chung khua leh venga cheng tam zawk te chuan sum dawnna leh thil dang eizawmnan hmang dawn pawh nise mihring tlem chu sawi loh sum che vel a bei tham em em a, lo theih lohin lo neih emaw hun siam hmanga eizawn chu kan tih mak mawh a ni. Thlawhn hma nei tur chuan lo kan vah a, kan hal a ngai, chu tak chu a lawm kan sawi 'Green Mizoram vs Lo hal' chu ni ta. A Green lai kan kit a, kan hal zui leh ta nghal hi chuan kawng dang kan dap a ṭul zia a tilang chiang ngawt mai.

Mi hring nuai 10 chuang awrh chenna ramah hian mipuiten ei zawnna kawng dang kan mamawh a, chu chu kan zawn pawh a ngai. India ram state zingah hian Mizoram anga lo hal hun siam ṭhin hi an tam awm lo e. Kan awmna in a zir loh vang nge, kan sorkar a chak tawk lo tih chu hriatthiam har tak a nih rualin, a chan bulpui ber pawh a ni thei lawi si. Lo neih ei zawn nana hmang mek te hian, kawng dang eizawnna awm lo ang hialin an ngai hial thei a, lo hal chu a tur ve rengah an ngai zawk hial mai thei bawk. Ni e, kan pi leh pute aṭanga kan ro chun lo neiha eizawnna hian hun eng emaw chen chu min la chen chilh dawn niin a lang a, ṭhang thar zawk te chuna an la bansan mah--na le. Green Mizo-ram bul ṭhut chu lo hal lo tura mipuite ei-zawnna kawng dang siam sak a ni a, chu mi tur chuan sorkar hian mi hring nuai tlem te eizawnna tur kawng dang hi a ruahman sak thei dawn em? Lo neih kan titawp thei a nih chuan kan ram chu a Green mai dawn lo em ni?

Eng pawh chu ni-se, mihring kan awm chhung chuan hma-sawnna chu a ṭhang zel dawn a, chu chuan tuna zawi zawia hma kan lo lak vena te hi mal a la rawn sawm ang tih ring ila. Beidawng lo leh ṭaima taka kan thawh phawt chuan eizawnna kawng dang pawh kan hmuchhuak zel ang a, lohal loa ei kan zawn hun a la thleng em em ang. Tuna kan tih theih sang ber chu, nung dama la awm te hian kan tu leh fa nakin lawka kan ai la rawn awh turte zirtirna kan lo pek hi a ni.

- Matea pa