MIZOTE LEH THU LEH HLA KAN NEIH HMASAK ṬHENKHAT

Kan ram (Mizoram) a kan Missionary hmasa ṭhenkhatte leh kan Mizo mi hmasa ṭhenkhatte khan Mizoten thu leh hla lamah hma kan lo sawn zel theihna turin hna nasa tak an lo thawk daih tawh a nih kha. Chu'ng kan rama kan Missionary hmasaten keini Mizote tana thu leh hla ṭangkai taka kan hman zel tur atana hna an lo thawh tawh ṭhenkhatte hi lo tarlang ila.

LEHKHABU: Heng a hnuaia kan han tarlante hi Pathian lehkhabu thianghlim lehlin kan neih ṭan dan a ni.

1.Luka ziak - Kum 1895

2.Marka ziak - Kum 1906

3.Korinth lehkhathawn - Kum 1907

4.Matthaia ziak - Kum 1909

5.Thupuan - Kum 1911

6.Jona - Kum 1911

7.Timothea - Kum 1914

8.Jakoba - Kum 1914

9.Daniela - Kum 1915

10.Galatia - Kum 1915

Hun hmasa lama lehkhabu dang lo chhuah hmasak tawh te hetiang hian lo tarlang leh ila.

1.Thu inchhang - Kum 1901

2.Isua chanchin - Kum 1905

3.Isua tehkhin thu - Kum 1906

4.Tonic Solfa - Kum 1910

5.Kristian zirtirtu - Kum 1913

6.Kristian ṭhanlenna - Kum 1917

7.Nang i danglam tawh em? - Kum 1917

8.Kristian Thurin - Kum 1919

9.Inzirtir Finna - Kum 1919

10.Kristiante tih tur - Kum 1919

Hemi hnu pawh hian lehkhabu tam tak ziah chhunzawm zel niin, Mizote pawhin ziak leh chhiar lamah nasa takin hma kan lo sawn zel a ni.

LEMCHAN: Kum 1912 khan Aizawla Krismas an hmanna hmun pakhatah ennawm an chhuah a, chu chu Aizawla lemchan bul inṭanna hmasa ber niin an sawi. He lemchan hi a entu an ṭhahnem hle niin an sawi a, kum 1913 khan lemchan leh nuihza fiamthu lam chhuah a ni leh a, kum 1914 aṭang phei kha chuan thingtlang lamah pawh Aizawl lam tih dan lain Krismas te pawh an hmang uar ṭan hle niin an sawi. Khawvel a danglam zel a, lemchan kan entir dan pawh a changkang chho mek zel a, heng lemchan kan entir dan chungchangah hian entir nei hi ni zel thei se la, lemchan lamah hian Mizoram hian nasa taka hma a sawn zel theih nan lemchan lama tui te leh kan ṭhalai te hian nasa takin ṭan han la zel teh u. Khawvela ram thil ti thei bera an sawi; USA te khu eng vanga an ram khuan lemchan hmanga an ram an tih hmasawntir em em kan tih chuan, an lemchan siama ṭhenkhatte chhungkuaa inzirtirna hmanruaah an hman ṭhin vang a ni.

HLA LAM: Mizorama kan Missionary hmasa ṭhenkhatte khan Mizote tan hla ṭha tak tak min lo phuahsakin min lo lehlinsak a. Mizoten hla kan lo neih hmasak ṭhenkhatte hetiang hian lo tarlang leh ila.

1.Isua vanah a awm a

2.Khawvela ka awm chhung zawng

3.Tunah ka oi, ka oi ang e

4.Eng nge sual tifai thei ang

5.Thawnthu hlui chu min hrilh rawh

6.Isu Beram vengtu angin

7.Isu tidama khawvela haw

- George L Ralte, Vaivakawn.