MIN NÊKTUTE HI CHIMRAL CHINGTUTE MAI AN NI

Bangladeshi Bengali Cachar chu Cachari pawhin an luah meuh tawh lo a nih hi! Vai tia kan sawi khung laia tun hnua lo awm ta ṭeuh Bangladeshi Bengali (illegal mmigrants) kan tihte khuan an luah zo deuh ta vek mai! 

Hetiang chiah hian Tripura lama a ram luahtu hmasate chu hengho bawk hian an chimral deuh vek tawh bawk. 

An pi leh pu huna an ram pawh ni hlei lo India ṭhenhran chhoh laia East Pakistan (Bangladesh) vela awma awmna mumal nei lova then then 'floating population' ho hian Mizoram lehzel min rawn chuh puiin an huangtau ta tual tual a nih hi. 

Tlem tlema kan tawlh hian nakin zelah nghawng ṭha lo a nei zel - an tam si, an indaihzai si, hei hi keini mipui tlem tan a hlauhawm em em a ni. Chumi khami dan tih behchhan sek sek lova kan nêk let hrep loh chuan chintawk an nei dawn miah lo. 

Assam map en ila, Assam nen intibuai kan ni lo han tih ngawt chi chu a ni lo. Tuna an hmatheha ṭang mekte hi Assamese leh tûn hma kan pi leh pute aṭanga kan ṭhenawmte an ni lo, tun hnua rawn pema duham ta em em an ni. Hei hian rilru a ti na hle a ni. Chutih rualin Assam sorkarin nasa taka an phena hma a la tlat khu a pawi ber maia chu a ni. 

Khung Vai-ho khu a hmaah an kal tir a, a hnungah Assam Police tam takin an thlawp tlat! Assam sorkara hi nasa takin a demawm tel. 

Tunhma angin vai zawng zawng kan haw ngawt tawh bik lo e. Kan bungraw phurtute phei chuan kawng an dang khu pawi an ti dawn lutuk. Vawiina Kolasib-a hnamdang driver leh handyman te ei tur Kolasib YMA ten an lo siamsakte kha a ropui lutuk. Hnam puitling zia kan pu chho mek tih a lang. 

Kan hmelma dik tak kan hriat fiah a ngai, ar talh dan chi khat chauh a awm lo tih hi kan ṭhangtharte hian hre nawn ila a duhawm hle mai. 

Ramri vela khung Bangladeshi Bengali lo pemte rawn pawr sek khu sorkar tel lova chinfel dan pawh kan la zawng lovang tih a sawi theih loh. 

An 'ring leader' ngawihtir chuan an daih rei lo tawp ang.