Adhaar Card

Vanglaini 9.7.2016 chhuak phek hma-tawngah khan Adhaar Card number thehlut lote gas subsidy tihtawp sak an ni, tih kha a lo lang a.

Chumi sawi fiah nan chuan Adhaar card copy kha gas agent hnenah thehluh tur tih a ni a. Adhaar card tel lo chuan gas lakna man subsidy an dawng thei lovang a ti a. Kumin kum bul lam tawhah khan Adhaar card siam turin thla min laksak a, chu thlalak chu tun thleng hian a la chhuak lo a, vawi tam ka zawh pawhin chhanna mumal dawn tur a awm lo.

Chutih laiin gas agent hnena Adhaar card copy pe lut lo chuan subsidy an nei thei lo ang, tih a ni leh si a. Kan thiam loh leh dik loh vang ni loa kan chan tur kan chang lo ringawt mai tur hi a dik thei dawn em ni? Thiamlohna nei lote hian thiamloh kan chang mai dawn em ni ang?

Sorkar laipui hian a thutiam hi sut leh sela kan va ti em! A nih loh leh, Adhaar card siamna tura mitnaute thla latute kha rawn tir leh sela. Hetiang harsatna hi midang pawh tuar ve an awm nual maithei asin.

- Solfathanga,

Leitan Veng