Hlawkna dik lo tak haw mi hotu atan ruat tur

- Bawlliana, Sikulpuikawn

Exodus 18:21 Ai-gupta aṭanga Israel mipuite Pathianin Mosia a hruai chhuah-tir khan a puzawn pa Jethroa khan Mosia hnenah thurawn a pe a; heti hian - "Pathian ṭih mite, mi dik tak te, hlawkna dik lo tak haw mite ruat langin, chungte chuan englai pawhin mite ro relsak rawh se" a ti a nih kha.

Roreltuten Pathian an ṭih loh a, hlawkna dik lo an pawisak loh chuan an tan chhiatna hun a hla ngai lo ang. Hetiang mi hi Zoram pawhin a mamawh avangin mipui pawhin hlawkna dik lo haw mi ngei kanthlang
ṭhin tur a ni.

Khawel mi ropui hlepruk chin vanga an boral dan leh
ṭhenkhat tawrh dan han tarlang ila.

1. India-in Inde-pendence a hmuh hnu lawkah ICS Officer pakhat Vanketaraman chu thamna a lak ringawt avangin kum 12 lungin tan bakah tangka tam tak chawitir a ni.

2. Ferdinand Marcos, Philippine President - A sum hlekruk hriat sen loh khawpa tam chu tlawm takin, tuma ui lohin a thi ta mai a nih kha.

3. Thaksin Shi-nawatra - Thailand Prime Minister pawh tunah dam chhung lungin tang turin jail-ah a awm mek.

4. Hmanlai deuha South Korea President pawh kha hlepruk tam avangin thi turin a chungchang rel a nih hnuah President thlan tharin a ngaidam a, thi em lo tur leh damchhung lungin tang tura tih a nih kha.

Khawvel dang, Kristian ram loah pawh corruption hi tu sorkar mahin an duh ngai lo. Hnam hmelma nihna a ni a, mahni hlawh leh thawh chhuah bak eirutute chu mipui hmelma an nih avangin an hriat chhuah vaih chuan hrem loh an awm ngai lo. Khawvel dem leh diriam rawn an hlawh ṭhin.

Hawh u, a chunga ziak Bible chang te hi chhiar ila, hlepruk chingte chuan sim
ṭheuh i tum tawh teh ang u.