Thisen pek chungchang

- LZ Bawitlung, Aizawl

Mizorama kan ṭhalai zawng zawngte u kan Mizo tlawmngaihna dik tak chhawm nung zelin damlote an nunna hlu tak chhan him nan tun aiin thisen pek hi i uar sauh sauh ang u.

Ṭhangthar lo awm zel turte thinlungah kan Mizo tlawmngaihna chhawm nung zel turin in zirtir zel ila. Thisen kan pekin a petu tan thisen thar a rawn insiam nghal zel a, a petu tan pawh hriselna a ni tih hi kan ṭhalaite hian i hre ṭhar zel ang u.

Kan thisen pek aṭanga damlo boral mai tur chhanchhuaktu kan nih hian kan Mizo nun zemawi tak a ni. Tute emaw fuihpawrh mai mai theih hian i awm lo hram ang u.

Kan Mizo tlawmngaihna zemawi tak hi chhawm nung zelin tun aia thisen pe uar turin kan sawm nawn leh che u a ni.