In sak vil a ni lo?

Hman ni chu Ramhlun Venga RL Building kawta kawngpui footpath hi ka zawh zel a, a tawpah in sak mek pakhat bulah hian a bung hmiah mai a, ka ngaihtuah neuh neuhva kan khawpui enkawltute hian heng in sakte hi a dan tur kha an zam ve thuah khan ka hre si a, a mak ka tih thu ṭhiante ka hrilh a, an vei zui ve si lo.

Dawrpui Biak In kawta hotel lo ding lurh maite hi AMC khan in san zawng turte kha a bituk thlap emaw ka ti a, kan Biak In hrang hrangte pawh hi AMC tehna aṭang hian a tling reng em ni? tiin ka zawt a, min chhang thei an awm lo. Bawngkawn leh Durtlang inkar kawngpui anah in sak theih a nih loh thu chanchinbu lamah te kan chhiar ṭhin a, Greenwood Hospital thlang lam kawngpui lah chu in lian pui puiin a ding khat leh vek tawh.

Tuna a lan dan chuan a sa huai huai hi an zah bawk si loh chuan a chan ṭha an ni zel ang a! Dawrpui Venga ke-a kalna tur fly over an siamte hi a tlo dawn nge dawn lo, vanduai mangkhawng a nih loh beisei phawt ang. Parking fee khawntu tur thlan mai maia an inrawlh thuk duh dan thlir hian, kan in sakte hi an vil hman leh tawh lo em ni? tiin zawhna ka han siam a ni.

- Thangzuala