Remna Ni a huhoa hman kha

Chapchar Kut nena inang renga Remna Ni kan han lawm ta mai kha chu Chapchar Kut dah sangtute tan chuan a ngeiawm ka ring a, remna Ni dahsangtu tan hlei hlei a ngeiawm zualin ka ring. Kumin Remna Ni zet chu lammualah kan han lawm a, a hlut phah sawtna kei mimawl hian ka hmu thiam lo.

Central YMA-in Remna Ni a huhova hman a duhna thinlung kha a zahawm ka ti a, mi ṭhenkhat duhthawh deuhin political platform ang zawnga CYMA hruaitute an chirhtheh let kha chu an tih loh tawp tur a ni. Remna Ni a huhova hman duhna hi CYMA rawt ni lovin General Conference aṭanga lo chhuak a ni a, tute emaw intihlar leh intih lal tumna a ni lo.

Chutih rualin a huhova Remna Ni hman kha chu a hlawhchhamah ka ngai. Vanapa Hall-a leng lo kal khawm ni se a ropui dawn nen, Lammuala Chapchar Kut ang chiaha lawm, mipui hip tawh si lo, thawl hung mai, cultural item nei zo an haw ruala thusawi ngaithlatu awm mang lo programme ang kha chu siam tawh lo se - Remna Ni pawh a zahawm alawm le.

- Lalremruata