Chhiartute thukhawchang

Dated 24&25 Vanglaini chhuaka tarlan angin Khaw-zawl RD Block huam chhunga khaw pa-ngaah chuan BPL chhungkua an awm miah lo nia tarlan a ni a, a ṭha nge a ṭha lo lam chu ka hre chiah lo. Eng pawh nise a dik a, belhchian dawl a nih chuan a ṭhaah ngai phawt mai ila a
ṭha zawkin a rinawm.

Zoram Kristian ramah hian mahni nihna lo anga lang kan tam dawn khawpin ka hria. Thingtlang hmun tam taka hetiang BPL chhungkua ni miah lo mahse BPL list-a awm tam tak an awm ngeiin ka ring.

An rawn ziah tel anga frigde, air conditioner, washing machine, television leh two wheeler eng emaw ber pathum nei kawp BPL-ah an tel ve thei lo a nih si chuan, hmun tam takah hetiang nei BPL list-a awm an awm ṭeuh ngei ang. Chuvangin, kan sawrkar pawh hian a rang thei ang ber leh dik tak zelin, hma la vat se la, thil dik lo zawng zawng hai chhuak vat sela a lawmawm hle ang.

In tinah lutin survey nei se la, a nih dan tur takin huaisen takin kaltlangpui ngam se a ṭha hlein a rinawm. Tichuan sum tam tak a hmuh chhuah phah ang a, induhsakna uchuak tak leh kan ram ṭhanmawhbawk corruption tih bo nana kan rahbi pawimawh tak pakhat niin ka hria.

- Ruatkima Ngente

Phuldungsei Vengthar