PHE leh POWER DEPT

Veng tinah tui leh electric hi kan mamawhna a nasa a. A chhiat emaw a khaihlak tawh hi chuan mipui kan phun mur mur a, mawhchhiat tur kan zawng ruai ṭhin. Hei vang tak hian PHE/ P&E thawktute hi chu an hah viau ang tih phat rual a ni lo ang.

Hetih rual hian P&E dept hi chu veng chhungah mimal thil emaw pawh nise zanreiah emaw ruahsur lai pawh han complaint ila mihring tana hlauhawm leh hlauhthawn awm a nih chuan rang takin an rawn kal nghal a, an siam ṭhat theih chuan an siam ṭha mai a, sum an phut pawh kan hre ngai lo; an haw leh mai a. An line duty te hi fak an phu hle mai.

PHE line duty veng ṭhenkhata mite hi kan pipe lo chhiain han complaint ila, ho te min thlak sakin min han siamsak a, pawisa min charge a, mi pathumin lo siam ta se an pathuma an insema na lo turin min chawitir ṭhin. Connection lakte pawn sum kan chawi fe hnuah an rawn fit a, an fit man min dil leh ang lawi a. Hei hi thil nih dan tur ve reng nge sorkarah hlawh an lak tho chuan tlem deuhte hi la ve se.

Tin, PHE meter reader ṭhenkhat meter en mang loa bill siam ṭhin an awm tihte hi an awm tak tak a nih ngai chuan thunei-tuten en chiang deuh se a ṭha khawp ang.

- Hmuaka Pa, Aizawl