AIDS DONA KAWNGA HMALAKNA IN BUAINA A TAWK
"The Indian
Express
January 5, 2016
AIDS do pawl hoin an hnathawh pawisa harsatna avangin ti tlem dawn
Maharashtra a NGO 179 te chuan tun kum thar hian MSACS aṭanga thu lawmawm lo tak nen bul an tan nghal, NGO te hian MSACS aṭangin HIV lak aṭanga inven dan tur programme Targeted Intervention an duan lâwk te chu ti châwl lailâwk turin hriattirna an dawng. Kum tharah beiseina sang tak neiin nikum 2015 khan sum lama harsatna avangin condom, testing kit indaih lohna te bakah hnathawkte hlawh pek tur neih lohna avang te in harsatna an lo tawh te pawh kiâm tura an lo beiseina te chu a ti bo hle. 'Tunah pawh hian kan hnathawh
ṭhin entirnan test kit kan awm loh avanga health camp kan lo buatsaih ṭhin te bakah tam tak kan ti tawp tawh a ni,' tiin Pune District Programme Officer Kalyani Patil chuan a sawi. January ni 1, 2016 aṭanga Targetted Intervention (TI) ti tawp lai lâwk tura an lehkha dawn hi kum 2015 ni tawp ber December ni 31, tlai dar 5:30 a chhuah a ni."
A chunga kan hmuh ang khian Narendra Modi kaihhruai NDA sorkar hian AIDS dona chungchangah hian policy a thlak nasa a, AIDS dona atana pawisa pawh Union Budget Allocation-ah cut ṭeuh a ni. Kum 2014 December thla pawh khan Outlook Magazine chuan India ram puma AIDS dona chungchanga a hnarkaitu/ sum hnar ber leh Stae Aids Control Society zawng zawng parent body kum 2014-15 atana budget allocation an hmuh hmun thuma
ṭhena hmun hnih lai chu BJP Flagship Programme 'Swachh Bharat' kalpuina tur atan pawhpen sak an nih thu an chhuah a ni. Hemi avang hian India rama state hausa ber ber zinga mi Maharashtra te pawhin harsatna namen lo an tawh phah a ni.
Helai Mizoramah hian thliarkar rilru pu chungin Mizoram AIDS Control Society-in an hnathawh ṭhin hrang hrang e.g., Blood Donation tur atana sum mamawh an phuhruk ṭhinnate leh intervention hrang hrang atana sum an pek chhuah ṭhin tihtawp leh tihtlem a nihna chhan state mawhphurh tir tur a ni lova sawrkar inthlak avanga central policy dan tak avang a ni zawk.
- Lalhruaitluanga Bawitlung