POLITICIAN-TE ṬAWNGKAM CHHUAK

Politician, ram hruaitute ṭawngkam chhuak hi mipuiten kan ngaihven a, thuneihna chang mekte thu phei chu kan ngaihven leh zual. An ṭawngkam hian nasa takin mi rilru a tidamin a hliam thei. Mizoram politician-te ṭawngkam ṭhenkhat i lo tarlang teh ang. Hei hi
ṭhangtharten tute nge an nih an hriat theih nan leh ram hruaitute pawh an fimkhur theih nan thil ṭul niin a lang.

A sawitu mimal hming hmerh lovin tu sawi nge tih in hre thei mai awm e. A bikin kum 40 chin chunglam chuan kan hre thei ang. Ṭhangtharte chuan nu leh pa emaw pute emaw upa lam te in lo zawt dawn nia.

India ka goal. India luh a ṭhat ber dawn avangin India a luh kan thlang tur a ni. Independent tum chu pialtlepa liluh tum ang a ni. Chi chu a bur ami kan liak ang. Rem leh hnam hi boral leh mai turin Pathianin a siam lo. Nunna pasarih pawh nei ila kan ram leh hnam tan ka hmang vek ang. Pathianin Mizoram hi kan chenna atan min pein, ramri te min kham sak a, kan ramah hnam dang kan laltir chuan Pathian dan kan bawhchhia a ni. Kan thangbo hlan hian, tehkhin rual loh, ṭhenkhatin Arona hovin Bawngno lem an chhung ang tih kan hlau a ni. Martarte, kan pasalṭhate thisen avangin kan ram hi zahawmah a awm ta a ni. Huaisen taka ka sawi duh chu kan ram tan hian kan nung a, kan thi bawk a ni tih hi. Pathianin hnam a din hian tundin a tum bawk a ni. Mi rahbeh atan hnam a din lo.

Kan hnam a siam hian mite tih duh dah atan emaw an kutthak hnawih nan emaw Mizo hnam hi a din lo. Delhi zem kan zen hi, kan lo sawi chhuak ang a, lo ang phuau ula kan barh ang che u tih kan in zirtir a ni. Delhi aṭanga kan beisei a kan an phuau chhung chuan engmah kan thleng dawn lo. Ram kan nei a, a hausakna kan hai chhuah si loh chuan kan rethei lo thei lo a ni.

Zu hi thil a ni. Isua aiin kan ṭha zawk, keini chuan min ring lote pawh Rangva kan pe dawn. Vai buhfai ei ṭheuh ṭheuh engah nge vai kan nih loh lem ang le. Remna atan seat kian turin second khat pawh ka inngaihtuah lovang. Bat tam hi changkanna

NLUP a hlawhchham chuan Isua kan ti mualpho ang. Compensate la hnam kan ni. Mautuai haka thi mai mai tur kan chhanchhuah an ni. Kekawr mawng
ṭet ha chunga pawisa min dil lai kha a ni ang. Tumahin khawpui aṭangin sipai an sawn chhuak ngai lo. Thalkang theih loh tuikhur kan nei. Zawng awm tia lek an rawn chhuahpui a tunah thlam ropui an sa ta.

Switzerland of the East kan siam ang. Missionary nuaihkhat kan la tir chhuak ang. Bingtaii policy-in a chi thlamah an kang puak a ni. Tuma thal ve theih loh tuikhur kan nei. Mahni kea ding thei turin hma kan la ang. Bhavan kan lilam ang. Saipui kal lai uitang rualin an bauh ding lovang. Ṭhenphunga damlai lung ka phun dawn lo. Mihring thlak ringawt a sawt lo, a system kan thlak ang. Thlaithar leina budget-ah kan dah ang. Di A eihchhi dah a ni mai. Ai Ai Special Force. Berek Berek Peace Bonus Thlai Luman kan siam ang.

Zoram Politics-ah Pathian ram lo thleng rawh se kan ti a ni. Zu ruih kan phal dawn lo. Kohhran kan rawn dawn lo. (Zu zawrh thu ah) Chaw a kan intodelh hunah ramri kan sawi ang. Rilṭam chungin lei a do theih loh. Ruhro politics hmanga in awih nun tum. Mizo hnahthlak inzawmkhawm hi party din tirh aṭanga kan tum a ni.

Heng ṭawngkam chhuakte hi kan ram hruaitute sawi a ni a, a eng engte hi nge puitling a, ṭhangtharte tana hnam rilru kaihhruai ṭha thei ang tih i ngaihtuah ṭhin ang u. Ram hruaitute pawhin kan sawi hi kan tu leh faten an la zahpui ang nge an chhuang ang tih ngaihtuah hmasa ṭhin se a ṭha ngawt ang.

- Rualkhuma Hmar