DÂN NGAIH PAWIMAWH

Pu KL Liana te leh d^n hre mi tu tute emawin ram d^npui chungchang an sawiin an ziak nual tawh a. Mahse, d^n awmze nei lo leh zawm hlawh lem lo hi a awm nual em aw, tih mai turin d^n hi kan la ngaipawimawh tawk chuang lo nite pawhin a lang. An sawi tawh ṭhin angin, mi dik leh fel hi chu d^n chunga leng an ni mai a - d^n anzawm ṭhat avangin. Mi dik lo leh d^n bawhchhetute bawk hi d^n hnuaia kun ngai chu kan ni mai. Chuvang chuan d^n chunga leng nih kan duh chuan d^n hi zawm ṭha ila a fuh a ni mai.

Chanchin Ṭha ziakah chuan Isua’n “D^n thu emaw ... tiboral tura lo kal ka ni lo, tifamkin tura lo kal ka ni zawk,” a ti. Rom khuaa mite hnena lehkhathawnah chuan, ‘D^n avanga hriat ni suh sela chu sual kan hre lo tur...’ tih ziak a awm. Mi tam tak chuan, d^n hi sual tipunluntu ni mai ten kan hre ṭhin! Engemaw tizawng taka ngaihtuah chuan a nih ve duh hmel khawp mai - D^nin sual min kawhhmuh lo se chu, sual a ni tih pawh kan hre lo maithei a nia.

Sual a ni tih kan hriat loh ber chuan tual thah leh ruk rukte hi kan en liam ve mai mai ang a, mihring nun hian awmzia pawh a nei hleithei lo ang a, mumal pawhin kan khawsaho thei kher lo ang. Mi chak leh a thei fate apiang an dingchang ang a, a bet ngai kan bet tlawk tlawk mai ang. Chuvang chuan d^n hi sual tipunluntu ni loin, sual min hriattirtu leh intluktlang taka mihringte min len tirtu a ni. D^n zawm ṭhat hi avan pawimawh em!

D^n leh hrai nei lo leh hre lo pawh kan ni lo chung hian, d^n rorelna pawh nghak hman loin kan ri leh vut vut mai ṭhin. Hman deuha Aizawlah veng pakhatah tualthahna rapthlak tak a thleng a, kha mi ṭuma tual thattu kha thah ve nghal mai kan duh! Social media lamah pawh mi tam takin ‘thi ve nghal rawh se!’ tiin an au chhuahpui hial. Kan mihringpui chunga thihna khawp hial thlen tura rorel sak tur hian Pathianin thuneihna min pe reng em?

A tuartute tawrhna kha ka tawrh pui lo tihna a ni lo, mahse, misual leh thil dik lo titute rorel sak tur leh hrem turin d^n ṭha tak kan nei a, chumi ring zo lo niawm taka chet kan han thawh duh mai ṭhin hi chu 'awm lo' ka ti. Kan mihringpuite tihhlum duhna khawp hial rilru kan pu leh tha kan thawh duh mai pawh hi a kristian thlawt lo. Pathian chuan, “Phuba reng reng keima lak tur” a ti. Kristian rama ringtu intite hian Pathian thup>k pawh kan zah zo lo chu a ni ber awm asin!

Ṭhenkhat chuan, ‘Heng misual leh rawva deuh hi chu mipui hian han chil hlum zel mai ila, an sim thuai mai ang!’ an ti ṭhin. Kan chil hlum tawh berte chuan sim tur pawh an awm chuang nang! An sim kan duh tak tak a nih chuan, simna hun an neih theih nan d^n rorelnain a hrem turin thuneitute hnenah pe zel zawk ila, a fuh zawk lo maw? Sim tur kan tihte chu, pawi khawih leh zel turte alawm kan tih, in ti a ni tiraw? Sualna hi midang tawnhriat aṭanga lo sim ve ngawt chu thil har tak a ni, keimahni vekin hremna kan tawrh ve phawt a ngai ṭhin.

Hman deuh, ’90 chho vel bawra Central Jail aṭanga tang tlan chhuak, rawva taka che zuite kha kan la hre hlawm ang a. An zinga pakhat kha chhim lam khaw pakhatah a lut a, khawtual miten an lo hre chiang si a, tlangval ṭhenkhatin an lo hnuk hlum ta! Khata kut thlaktute nia hriat zawng chu, sar-thiin an mang vek tawh an ni ti!

Misual tawrawt mah ni se, a nunna la tur em chuan Pathian hian thuneihna min pe lo a ni ngei ang. Pathian hian phuba la tur hian keini lo pawh hi hmanrua a nei tih hriat tur; mahni lo inbarh luh ve phet tum hi pumpelh theih chi a nih ka ring. Mihring thisen mawh hi chu rapthlak deuh a nia; Kaina leh Abela chungchangah pawh khan kan hre thei awm e.

Chutih rualin, kan d^n kengkawhtute pawh hi an nep ve deuh a ni thei. Mi sual tam tak hian an phu tawk hremna an hmu lo deuh ṭhin nia kan hriat avangin, heti zawng hian chet lak ṭul tlatin kan hria pawh a ni ve mahna. Chuvang chuan d^n kengkawhtute leh d^n hre mite pawh hian, an thuthlukna siam turah reng reng hian fimkhur lehzual se a ṭha ngawt mai.

D^n hre miten an sawi bak hriat ka nei lem lo a, huai takin ka sawi ngam lo. Mahse, thilsual titute hremna hi, kum chuti zat lung in tan leh cheng chuti zat chawitir tih ringawt loh hian a hrem theih lo’m maw ni, ka ti ve deuh ṭhin. Pawi khawihtu chu a pawi khawih pawizia hre turin, a nun zal raih theihna khawpin hrem dante hi awm se a ṭha ngawt mai. Hetia jail-a tang satliah mai lo hian, an tihsual ang zelin jail chhungah hian hrem ni leh se, jail tang chhuak tam tak hi chu camping chhuak ṭhenkhat ai hi chuan an nun a ngil zawk ngei ang!

Chuvang chuan d^n pawimawhna leh a awmzia tak tak kan hriat theih nan, d^n hi chelek taima ila, hremna awmze nei tak leh hrem nih awmzia tak tak kan hriat tlan theih nan khawng deuh hlekin kal pui ila a ṭha ngawt mai. Tu ten emaw thilsual an ti a, reilote an tanga an chhuak leh mai ṭhin a nih chuan, d^n leh thununna hian awmzia a nei nep hle dawn tihna a ni. Kan lung in te hi hei ai hian hreawm lehzual se kan ṭhatpui zawk lo maw aw, ka ti ve mai mai ṭhin.