Lengpui Airport kawng hnai zawk tur

Kan Aizawl khawpui kawng hi a chep tawh em em a, Traffic zam avangin buaina kan tawk cham chi tawh a. Brig T Sailo (RIP) khan thil thui tak thlirin kan ram traffic zam tur hmu lawkin khawpui thawl zawk a awm theih nan Aizawl khawpui zauhna tur Luangmual ram a valh (acquired) chiam a.

Mahse a rorel a rei loh avangin a hnua Ministry lokal lehten an tuipui ve lo nge, Remna Run area te, Luangmual Complex hmun te tak ngial pawh mimalin an nei zo leh ta ni awm tak a ni. Sawrkar hian engti kawng zawng emaw a kawngpui sialah a pian thar loh chuan hmun ṭhenkhat kawngpui in sut khawmna lai, entir nan, Vaivakawn te phei hi chu inhnawhping thei mai a ni reng a ni.

Lengpui Airport Road

He kawng hi Compani peng aṭang lo chuan hmun dang panna a awm lo tluk a ni. Airport Road kawng pakhat chauhin a pawh hi a risky lutuk a, Flight reporting time thlen hman loh a hlauh awm ṭhin hle.

Rawtna pakhat han siam ta ila- kan sawrkar hotute hian survey an lo nei tawh nge nei lo chu ka hre lo a. Mizo­ram University Road hi Ramrikawn ah a kal a, Ramrikawn aṭang hian Central jail-ah a kal phei a, jail tlan pelin Sakawr­tuichhun kawngah Central jail Main Gate thlang hmar lam ep ruam­ah hian kal peng ta sela.

Tlaklam mualah hian liam thlain (Industrial Estate ram an ti emawni) ah hian kal thlain kawng kawi thleh ngai miah loin Sihhmui Tlawng Lei kha a zuk man mai dawn a. Satellite Google.Com (Maplandia) aṭanga en hian ram rem tak vek niin ka hria. A hnuk a tawi em em a, Company peng aṭanga tuna highway hi chu a kawi hnemin leimin thei apui a tam a, Company peng thlang ang lei thawp (loose soil) a tam a, leimin avanga Kawnpui kawng lama hel vang vang te pawh Chrismas dawn khan an awma nih kha.

Monsoon a nat changin lei min mai thei a tam a. Highway traffic pumpelh nan a him bawk. Tunah hian Vaivakawn aṭangin Ropaia bawk Ramrikawn - Tanhril ram tlaklamah Sih-hmui lei (sak thar) kha a man mai dawn a ni. Tuna kan panna aiin a let deuh thawin a lo hnai tawh ang.

1. Ti chuan Khatla- Capital Complex leh Chawn­pui - Luangmualah kaiin Ramrikawn rawn man leh se. Airport Road hi reporting time man turin thlamuang takin kan pan thei tawh dawn a ni. Kawng pumpelh (alternative rout) a lo tam chuan Vaivakawn traffic buai­na pawh a lo tlem sawt ang.

2. Mizoram University kan nei a, Ramri kawn piah lawk a ni a. Lengpui Airport-ah Visiting Professor lo tumin Course leh Seminar-ah lecture pein, hmun dang lecture pe leh turin an thlawk chhuak lehnghal mai thei tawh ang a. Kan MZU pawn ram changkangte dinhmun ang (world class) luah vein ramdang visiting professor han pawh mai kha a awlsam tawh dawn avangin. International level a in hlankaina tur kawng pawimawh tak a ni bawk. Heng thil hi changkanna ropui tak a lo tling tawh ang.