Ka thil vei top 10
Top 10 han tih hian a pawimawh dan indawt a ni lova, tuna ka rilrua lo lang mai ka vei em em thil 10 ka rawn thur chhuak a ni.
1. Motor regis-tration plate hi tunah High Security Regis-tration plates kan hmang a, lirthei bo tur a veng bawk si lova, hei hi eng vangin nge kan kalpui reng ni? Thil dik lo awm a awm em?
2. AMC pawisa hloh tur kha kan va sawi zui lo ve. Parking fee khawn kha a chhang hniam zawk an pe an ti. Armed Veng South ami a ni an ti lehnghal! AMC hian parking fee khawntu an tihdanglam loh chuan an thil khawn dang hi kan pe duh bik dawn em ni?
3. Petrol pawlh dal hi zawn chhuah a harsa lo. An lakna hi Assam a ni. Assam leh Mizoram inkar emaw, Mizoram chhung khawilai emaw hi dap ila, Mizoram motor zawng zawng khawl tichhetu petrol pawlh daltu hi zawng chhuak ila, hrem ni rawh se.
4. Gas tiching-pentute hi criminal case an awrh tur a ni lo em ni? Thil tenau mai mai rutu mah hrem an ni a, Khamrang vela gas tihchingpen kawltu an hriat site hi jail-ah khung rawh se.
5. Kan kawngpui pawimawh bera chhal ngam, a min nawn leh thei tih hre reng chunga Rangvamual helna kawng kan nei thei lo leh, an siam
ṭha thei lo hi chu a veiawm. Theihtawp chhuah inti mahse an theihtawp hi a tlem lu deuh ka ti.
6. Lammuala Inde-pendence Day inkhel TV-ah ka lo thlir ve a, kan state asset ve chu kan chuan chul zo ta. Ṭhahnemngai taka Lammual grass humhalh duhtute thu kha zawm ni se heti hian a chhe mai lo tur.
7. Kan rama thu-neituten ram dang mite thil neih leh tih dan te nei ve a, ti ve tura mipuite an duhsakna sawi ṭhin hi a ṭha e. Mipuiten kan theih ang anga zawm hi kan bat a ni. Mahse mipuite chauh hi ramdang mipuite anga dan zawm a, awm tur kan ni dawn em ni? Kan ram hruaitue hian ram dang hruaitute hi entawn ve bawk rawh se.
8. Office kal tlai hi thil veiawm ber pakhat a ni. Ṭan huna thlen tum lo officer leh staff heti zat kan nei leh an hlawh a pung zel si hian rilru a tina hle. Sikul ni se a hun takah kan ṭantir a, hma takah an kal kim ṭhap thei si.
9. Bazar kan nei te lutuk hi a veiawm. A bikin Aizawlah hian chawhmeh bazar kan neihte hi a balin a
ṭawp a, a chep em em bawk a, sorkar hian a tih ngaihna dang a hre tawh lo em ni?
10. Kan nula ṭhen-khat hlawh sawi tham nei si lo, mualpho tawk leka camera hmaa an inphelh ruak duh fo mai hi ka vei mang e. Mizo nulate saruak thla laksak châk tlata tunlai taka 'art' ti zel mai camera nei lian Mizo mipa
ṭhenkhat hi an veiawm viau bawk a ni.
- Zotea Chhangte