MILEAGE

Mizote hian sum leh pai renchem kawngah hian zir tur kan nei, ei leh bar kan lakna kawngah te, silh leh fen tur lei kawngah te, lirthei lei chungchangah te hian. A bik takin l$rthei lei chungchang bikah hian, kan sum leh pai dinhmun leh kan mamawh dan uluk taka kan khaikhin a pawimawh hle. Lei ta ila kan ṭhatpui sawt tur nge ni a kan harsat pui tur tih te pawh hi ngaihtuah a ṭul awm e. Nu leh pa ṭhenkhat mangang ṭawngkam, 'Kan nulain Scooty a $t ve si a, a lei ve a kan harsat phah lutuk' tihte hi hriat tur a awm fo mai. Keini mirethei circle-ah pawh hian, 'Kan fapain smart phone a $t ve si a, kan leisak a, tun thla chu kan rethei lutuk,' tih te hi kan ṭawngkam tlanglawn tak a nih t^k hi mawle!

Khasi hote sawi dan an sawi ṭhin chu, "Motor sawm man kan neih hunah motor pakhat lei i la a tawk," an ti e an ti ṭhin. Keini ve chu, tuna a lan dan chuan, sum leh pai dinhmuna ṭha lutuk lem lo te pawh hian loan te nen kan han ti hram hram a, kan ei ai te nen kan han thawh kh^wm hnuah, a lian tham kan cho loh deuh pawhin kan er tluk theih tawk Scooty tal, a thar kan tlin loh pawhin second hand tal kan lei tawp z>l mai niin a lang.

Kum sawm dawn a liam ta, kum 2006 khan PYD programme-in khawchhak lam ka han zin ve a. Singapore leh Kuala Lumpur inkar KM 400 zet mai chu Singapore ṭhalai hote nen Bus hmangin kan kal a. Kan kal dawnin kan Bus chuanna tur number leh T-Shirt (Uniform) min pe a, Newton Food Park aṭangin kan chhuak duah duah mai a. Kawng laka Toilet stop pakhatah Singapore Kohhrana an Philipino (Sectional) Pastor Dodjee Cargando kha ka hmu nawlh mai a. Ani hi Mizorama lo kal tawh a niin inhmelhriat ṭha tak kan ni a. Eng ti ziaa Bus a chuang ve mai nge a nih tih leh, private car a an kal mai lohna chhan ka zawt a. Ani chuan, private cara kal chu a hautak zawk thu leh, bus a ṭhalaiho zinga kal chu an nupaa nuam an tih zawk thu te, Singapore khawpuiah pawh private car khalh aia Taxi a chuan mai chu an ch$n zawk thu leh, sum a save zawk thu te min hrilh ta duah a, ka ngaihtuahna a tithui hle. An Chinese Pastor, kohhran member pawh ngah ve tak Pastor Timothy Lee pawh Bus ah chuangin, ṭhalaiho zingah a nupuiin 'Ka birthday lawmna' tiin cake a sem zak zak mai, mahni car a kal kha an ngaisang zawk hauh lo.

Anni ngaihdan leh kan ngaihdan hi a inpersan takmeuh a ni. Keini erawh zawngin lirthei kan ngaisangin kan dah pawimawh hle rih a nih hi! Zoram ka thlir vang vang a, ram hruaitute leh a mi nawlpui chu sawi loh va lum ni se la, rawngbawltute pawhin lirthei kan duhin kan $t ngang mai ni hian ka hria. Passenger phur Sumo leh Bus-ah te hian Pastor leh Upa chhuanvawr deuh ṭawngṭaina hmang tur pawh kan chuang ngai ta meuh lo a ni awm e. Rawngbawltu awm lo mahse, thih hlau ve nafam chu, thih hlauh vang chauh pawhin zu rim nam deuh himhiam chung pawha an Pathian an lo auh ve mai n^k lohvah! Mipui lam lah hi, kan value system dik ta lo chu, Pastor l$rthei nei lo chu Pastor fel lo deuh leh mawl deuh niin kan hre dawn dawn lehnghal emaw ni rawl ni!

Vaiho hian motor second hand an lei dawna an zawh ve ziah chu, 'Enge a mileage' tih hi a ni a. Chu mi awmzia chu, petrol litre khatin m>l (Kilometer) eng zat nge a la tlan theih? Diesel tanky khatin eng chen nge a kal theih? tihna a ni mai awm e. A rawng mawi leh mawi loh, a hmel mawi leh mawi lohah an buai tehchiam lo. An motor lei tur chuan diesel leh petrol a heh viau em? Mel tlemte kal nan sum an paih ṭawk ṭawk mai palh ang em? tih te chu an ngaihtuah len ber a ni. Chumi piah lamah Mileage awmze dang pawh hi anni chuan an ngaihtuah phak hle. Motor chu lei ta se an chhungkua leh an nun chu eng chen nge a chawikan ang a, hma a s^wnpui theih dawn? Eng chena thuiah leh s^ngah nge a thlen ang a, a hl^n kai dawn? tih chu an ngaihtuah pui ber chu a ni. Mizote motor lei dan nen chuan a inang lo hle awm e. Keini ve chu, 'anni paw'n an nei' tih te, 'kea kal bik a zahthlak,' tih te mai mai hi kan lei chhan tlangpui a ni rih si a.

Mimal a ni emaw, pawlho kan ni emaw, Sawrkar thleng pawhin, motor kan lei dawnin a enkawl zuina tur, a diesel leh petrol senso te ngaihtuah thleng ila. Tin, chu motor chuan eng chen nge min phurh thlen dawn? Kan mamawhna a sangin, hlawk nan kan hmang d^wn em? tih te ngaihtuah ila, retheihna leh suahsualna ruamah min phur lut mai palh ang em? tih te nen hian. Petrol leh Diesel kan thun ṭawk ṭawk ang a, khawi dangah mah min phur thleng mang si lo hian hremhmun min thlen thei hram chauh mai ang tih a hlauhawm. Mimal, chhungkua leh sawrkar, pawlho reng rengin neih zawng zawng senga motor lei hi a mileage a ṭha vak lo maithei a nia!