PHE leh Power department tih kha

Dt. 30.7.2016 (Inrinni) Vanglaini chhuakah Hmuaka Pa, Aizawlin a chunga thupui hmanga rawn chhuak kha a bengvar thlak hle a. Amaherawhchu, thil hriat fuh tawk loh a awmin a lang.

PHE leh Power Department te hi private connection chungchangah hian an kalphung a inan chiah leh chiah loh ka hre lo. PHE department-in private a tui connec-tion an pekah hi chuan T-Cluster leh private tuizem inkar zawng hi a fit man zawng zawng leh a hnua repair ṭul awm ṭhin zawng zawng hi an mimal ta a nih miau avangin consumer-te buaipui vek tur a ni. Department mi kher lo pawh an duh chuan man chawiin an fit/ repair tir thei a ni.

Connection thar lak dawn pawhin a daih ngei tur sum deposit tur a ni a, a daih lo a deposit chuan rilru nuam lo taka insen belh a ṭul ṭhin.

Meter reader-te hi reading dik tak la tura hrilh chamchi an ni a, a dik lo palh nia hriat chu englai pawhin PHE Department hotute hnenah complain theih reng a ni e.

- Fela Pa, Aizawl