Airport Kawng dang pakhat a awm tur a ni - C.Vanlal Ruaia

Rangvamual kawng min reng hian buaina chu a siam hnem ta hle mai.. Sawrkar hian plan a siam leh siam loh chu kan hre lova, Rangvamual kawng kawi sek leh lei thawp min reng tur khawlum seh puam inrempumkhat leh thei lo min reng mai tur te. Hunthar veng lei tlahniam siam dam hleih theih loh te hi hel na pakhat tal chu a awm tur a ni. A tulna chhan te:-

1. Lengpui Airport road a ni, hun chep tak a reporting time nangtur kan ni.

2. High way motor su zawnga Lengpui airport flight tur hmanhmawh tak a tlan hi a in hmeh lo.

3. Central Jail bul Industries mual aṭang hian ram rem takah Sihhmui Bridge ngil takin a man thei.

4. Hei hi siam ta ila Rangva mual kawng kawi sek aiin one third velin a hnai thei a ni.

5. Mizoram University tan Development a ni ang.

Kan Aizawl khawpui kawng hi a chep tawh em em a, Trafic zam avangin buaina kan tawk cham chi tawh a. Brig T Sailo (RIP) khan thil thui tak thlir in, kan ram Trafic zam tur hmu lawk in, khawpui thawl zawk a awm theih nan Aizawl khawpui zauhna tur Luangmual ram a valh (acquired) chiam a , Mahse a rorel a reiloh avangin a hnu a Ministry lokal leh ten an tuipui ve lo nge Remna Run area te, Luangmual complex hmunte tak ngial pawh mimalin an nei zo leh ta ni awm tak a ni. Sawrkar hian engti kawng zawng emaw a kawngpui sial ah, a pian thar loh chuan, khan ṭhenkhat kawngpui in sut khawmna lai, entir nan, Vaivakawnte phei hi chu inhnawhping thei mai an ni reng a ni.

Lengpui Airport Road: He kawng hi Compani peng aṭang lo chuan hmun dang
aṭangin panna a awm lo tluk a ni. Kan Mizoram University Road hi RAMRI kawnah a kal a Ramrikawn aṭang hian Central Jail-ah a kal phei a, Jail tlan pelin Sakawrtuichhun kawngah Central Jail Main Gate thlang hmar lam ep ruamah hian kal peng ta sela. Tlaklam mualah hian liam thla in (Industrial Estate ram an ti emawni) ah hian kal thla in kawng kawi thleh ngai miah loh in Sihhmui Tlawng Lei kha a zuk man thei a, ramchhia a awm lo bawk. Satellite Google .Com (Maplandia)
aṭanga en hian ram rem tak vek niin a lang. A hnuk a tawi em em a. Company peng
aṭanga Tuna high Way hi chu a kawi hnem in Leimin thei apui a tam in Company peng thlang ang Lei thawp (Loose Soil ) a tam a, Leimin avanga Kawnpui kawng lama hel vang vang te pawh Chrismas dawn khan an awma nih kha. Monsoon a nat changin Lei min mai thei a tam a. Tin, High way Trafic pumpelh nan a him hrim hrim a. Tunah hian Vaivakawn
aṭangin Ropaia bawk Ramrikawn - Tanhril ram tlaklamah Sihhmui Lei (Sakthar) kha a man mai dawn a ni. Tuna kan pan na aiin a let deuh thawin a lo hnai tawh ang.

1. Ti chuan Khatla- Capital Complex leh Chawnpui- Luangmualah kaiin Ramrikawn rawn man leh se, Airport Road hi Reporting time man turin Thlamuang takin kan tlan tawh dawn a ni. Kawng pumpelh (alternative Rout) a lo tam chuan Vaivakawn traffic buaina pawh a lo tlem sawt ang.

2. Mizoram University kan nei a, Ramri kawn piah lawk a ni a. Lengpui Airport-ah Visiting Professor lo tumin Course leh Seminar-ah Lecture pe in, Hmun dang (foreign) Lecture pe leh turin an thlawkchhuak leh nghal mai thei tawh ang a, kha kha ani world class education an tih chu. University chi hrang hrang visiting Professor kan dawng thei ang. Kan MZU pawn Ram changkang te Dinhmun ang (world Class) luah ve in Ramdang Visiting professor han pawh mai kha a awlsam dawn avangin. International level a inhlankaina tur kawng pawimawh tak a ni. Chumi University-in pawhtawn na chuan kan MZU Professor te pawh an chhuak ve nghal ang. Heng thil hi Changkanna Ropui tak a lo tling tawh ang.