Traffic tawt tih ziaawm nan congestion charging
Lirthei pung zel avangin Aizawl khawpui traffic a tawt chho zel a, sawrkar pawhin kawng a dap zel a. Kum 2009 khan Mizoram Motor Vehicle Rules,1995 chu siamṭhat (amend) niin lirthei neiten registration an tih dawnin lirthei hunna tur (garage) an neih a ngai tawh a. Coordination Committee on Traffic Management ruahmannain September thla aṭangin Aizawl Taxi-te chu intlanchhawk tir tum a ni.
Ram changkang zawkte pawhin traffic congestion sut-kian tumin lirthei khuahkhirhna (Vehicle Mobility Restriction Programme) chi hrang hrang an lo kalpui tawh ṭhin a. Amaherawhchu, heng “Odd-Even Scheme” te, “No Vehicle Day”, etc. te hian harsatna a sutkian tak tak loh avangin Transport lam zirbing mite chuan congestion charging hi traffic congestion tihziaawm na hmanraw tha berah an la ngai rih a ni. Congestion charging hian traffic tawt lutuk a tihziaawm bakah pawisa tlingkhawmte chu public transport system leh civic amenities dang tihchangtlun nan hman ṭhin a ni.
Khawvel hmun danga Congestion charging an lo kalpui tawh dan:
1. Singapore: Singapore-ah hian kum 1975 khan lirhtei pung zel avanga traffic congestion tihziaawm nan Area Licensing Scheme (ALS) kalpui a ni a. He scheme hnuaiah hian Singa-pore khawpui a hmun lun lai ber, cen-tral business district (CBD) chu Restricted Zone a puan niin, CBD a lirthei lutte chuan congestion charge an chawi a ngai a ni.
2. London: February 2003 aṭangin central London a traffic congestion tih ziaawm nan congestion charging hi lak ṭan a ni. Weekdays (Thawhṭan aṭanga Zirtawp) ah central London a lirthei lutte chuan British pound 11.50 nitin an chawi a ngai a ni.
3. Stockholm: Kum 2006 Ja-nuary thla aṭangin thla 6 chhung atana enchhin turin con-ges-tion charging hi kalpui
ṭan a ni a, zing dar 6 leh achanve leh zan dar 5 leh a chanve inkara Stockholm khawpui laili (city centre) a lirthei lutte tan conges-tion charge chawi a ngai a ni.
Singapore, London leh Stokholm-ah Congestion char-ging hlawtling taka kalpui a nih laiin Hongkong leh New York-ah chuan dodalna a nasat avangin an kalpui thei lo.
Kum 2013 khan Union Urban Development Ministry-in India ram state tin Chief Secretary te chu lehkha thawn-in, Congestion Charging kalpui dan kawng zawng turin a ngen a. Delhi Municipal Corporation leh Delhi sawrkar pawhin Congestion charging hi kalpui an duh tawh ṭhin a, Sweden aṭanga mithiamten Delhi traffic dinhmun hi an lo zirchiang tawh nghe nghe a ni. Tun thlengin hmalak zuina erawh a awm rih lo.
Congestion charging kalpui hi thil harsa leh khirh tak a ni. Road tax leh chhiah/ bill chi hrang hrang chawi tawh hnuah khawi emaw lai area/ veng luhna tura pawisa hran chawi leh ngai tur chu mipui nawlpui tan pawm a harsa hle ang. Lirthei pung zel avanga Aizawl traffic jam nasat ṭhinzia te, Public transport system leh road amenities changtlung tawk lohzia ngaihtuah erawh chuan Congestion Charging hi kalpui a ṭul hun a la awm ngei dawn niin a lang.
Aizawl Municipal Cor-poration, Transport leh Traffic lama thuneitute hian khawvel hmun danga Congestion charging an kalpui dan hi zirchiang se, tunhnai maia kan hman theih loh pawhin tun
aṭangin hemi chungchang hi kan ngaihven ṭan a hun hle a ni.
- James Miahlung