TAIMAKNA HLAUHAWM
Mi taima tia kan fak te, pawl tan leh ram leh hnam tana ṭhahnemngai leh thawk nasa tia kan fak ṭhin mi
'ṭhenkhat' hi chuan fing taka engemaw 'khelh' an lo neih ṭhin avangin an lo taima te hi a lo ni fo mai a. An taimakna avangin thil ṭha chhuak ṭhin mah se, chutiang mite taimakna hi 'taimakna hlauhawm' niin ka hria!
An lansarhna tur an hre hle a, lar leh hmingṭhat, mite ngaihsan nih an khelh avangin mi pangngaiin an tih duh loh thlengin an ti duh a. Chu game chu mipui nawlpuiin kan hriatthiam miau loh avangin hetiang mite hi mipuiin mi hmingṭha tia kan sawi
ṭhenkhat an ni leh fo bawk! Chanvo ita zahna chang pawh hre lo khawpa che ṭhin te hi an bula mite hian an lo hai awzawng lo a, a tak ramah an ring zui duh lo fo!
Hetiang taka taima peihte che vel thlir thiam turin mit men ngam a ngai a, benga hriatna zawn ve ngam a ngai. An taimakna chuan mipui, ram leh pawlho tana hlauhawm chhinchhiahna a thlen a ni tih kan hriat tawh chuan kan dodal ngam tur a ni. Mimal sawi chhan nei lo mah ila, mi taima tia kan sawite taimakna hi a thianghlim em? zui tlak leh thlawp tlak a ni em? tih hi mihring nunhonaah hian zawhna tling a ni tain ka hria! Chu chu ka phuah thiam ve dan chuan "Taimakna hlauhawm" ka ti a ni.
- Lalnuntawma Fanai