Tender chhangtu thlan dan sawifiahnaah ka fiah lo

Aizawl Municipal Corporation hnuaia parking Fee khawn danah thil dik lo a awm tih chhui chhuah a ni a, hmun ṭhenkhatah a chhang sang zawkte hnawlin a chhang hniamte thlan an ni. He mi sawifiahna ka lo chhiar ve ah chuan, "A chhang sang apiang pek tur tih AMC danah a awm lo," an ti.

Heti a nih chuan AMC-ah hian tender hian awmzia a nei lova, an duhsak apiang an pe thei tihna a ni. Tunah pawh Armed Veng South lama a chhang hniam deuhte chuan hmun danga chhang sangte pawh an lân lawp mai a, hei hi ngaihtuah zui loh chuan AMC kal zel dan hian ngaih a ti ṭha lo tawlh tawlh dawn a ni.

- Lalremtluanga