Hlawhtlinna atan hunawl hman ṭhat

Khawvel a chang­kang chho zel a, mitin mai hi kan buaiin hunawl pawh kan nei tawh mang lo a, hunawl hman ṭangkai thiam hi a pawimawh hle mai. Delhi leh Mumbai student ka kawmnaa ka hmuh chhuah chu nitin regular class an kal mai piahlamah tlai lam hunawl chu competitive coaching kal nan te an hmang ṭangkai lehzel ṭhin.

Amaherawhchu, mi zawng zawng tan competitive exam hi hlawhtlin theih a ni lo. Mi vantlangina kan zir theih, hna thawhna tam bawk si, B.Sc in Airlines, Tourism & Hospitality Management hi Mizo­te hian i zir uar ang u. He course hi Punjab technical University-in a pe chhuak a, class timing hi zing dar 9 aṭanga tlai dar 2 a ni tlangpui.

Dar 2 hnulamah hian competitive exam-na atan coa­ching class kal duh tan a remchang hle bawk. He course naupangin a zir zawh chuan com­petitive exam-ah a lo inziak tling lo a nih pawhin thawhna tur line thumah a nei nghal tawh a, BA kal ngawt ai chuan a ṭha zawk hle a ni. Kan hunawl leh kan thluak hi kan hman ṭangkai thiam chuan hlawhtlinna hi kan ban phakah a awm reng a ni.

Zoramah hian mithiam tam tak awm tawh mah se a nawlpui hi kan la fing tawk lo a, thil hlutna kan la man thiam tawk loin hmalam hun kan la thlir thui tawk lo ṭhin. Hei vang hian hma pawh kan sawn chak tawk lo niin a lang.

Kan course zir ṭhin tlangpuite compe­rative study tlem han tarlang ila.

Sap thufingin ‘idea can change your life’ a lo tih ang khan Mizo zirlaite hian kan rilru sukthlek hi her danglamin kal khat tawp lo deuha lehkha zir nachang te hi hria ila. Thil ṭha zir nachang kan hriat a, kan hunawl te kan hman ṭangkai thiam phawt chuan hmalam hun eng tak kan nei ngei ang.