Chhiatni leh ṭhatni

Veng tinten mitthi kan neih hian vui hma chhung kan aiawha thusawi ṭhintute hian darkar khat dawn lai hun an hmang ṭhin a, hei hian mipui lamah harsatna a thlen lek lek. Darkar chanve vel chauh thu hi sawi ṭhin sela chu chu hmasawnna chi khat a ni ngei ang.

Khawhar ina YMA hun tawp hnua khawhar in leng te hi khawhar in hian ngaihsak deuh leh ngaihthah deuh an nei ṭhin hi a fel tawk lo bawk - thil ṭha lo tak a ni.

Khawhar chhungte pawh hian biak ṭhat duh bik leh ngaihsak bik kan nei hi tih lan tawh loh hram nise a va duhawm em! Inleng mi hausa deuh leh mi rethei leh mi hnuaihnung deuh an awm ṭhin. Thuamhnaw hak tur mawi hnai pawh nei lo an awm rualin mahni neih tawk pawha inchei thiam lo te pawh an awm ve bawk ang.

Mahse chutiang mi chu tute nge an nih tih kan hre vek kher lo thei bawk. Lal Isua pawh mite hmuhsit leh endawng, mirethei, mi ang loah a chang ṭhin. Chu chu miten an hrethiam ṭhin lo a, an hmuh kan fo reng bawk a ni.

Chuvang chuan khawhar in tam takah hian Lal Isua'n hmun a chang tawh lo a, khawhar in chhungkua te pawh harh chhuah a hun ta e. "Mirethei leh mihausa an awm za a, an vaia siamtu chu Lalpa a ni" tih a nih kha. Tumah hi i in en hram tawh lo ang u.

- TBC Vanlalsanga (Vala), Serkawn