Mipui kan ṭanrual a ngai
LPG connection subsidy tih nana Adhaar Card chungchangah ka Gas Card Xerox copy khat leh Adhaar Card Xerox copy khat kengin MIZOFED dawr, Ramhlun North-ah ka va leng ve a. Ṭhingpui min lo lum a, ka lawm khawp mai.
Kan hriat angin Supreme Court chuan Adhaar Card hi tih-luihnaa intihluitir chi a ni lo va tiin ruling a lo siam tawh a. Chumi changchawi chuan mi tam takin Adhaar Card kan ngaihsak lo va. Hetih laiin kan lo insawiṭhaih ve chhen bawk si a. State dang zawng aiin Adhaar Card ti kan tlem fal ta nalh niin sawrkar lam aṭanga tarlan a ni. Adhaar Card ṭulna leh pawimawhna hi kan inzirtir tam tawk lo a ni mai thei. Chuvangin, he card tel lova awm theih a nih phawt chuan tih ve loh mai, neih ve loh mai chu thil awm thei a ni.
Mahse, a lo pawi-mawh hle a ni ang chu, CM Pu Hawla pawh a phi ta ruai mai. Prime Minister hnenah Adhaar Card nei Mizo hlahthlem rih turin a zuk ngen a nih kha. Kan CM hian mipui min ngaihsak viau mai a! ka tih phah.
An hlawh te hi a tam ve ta hle mai, sawrkar hnathawkte hlawh pawh a tam viau; kan dinhmun hi a inthlau ta lutuk a. Hna nei lo, nei angrengho hian sawrkar hnathawk pangngai ni 3 hlawhte hi an thla khat hlawh a ni vel! kan va inthlau ve.
Adhaar Card nei lo chuan LPG subsidy an dawng thei tawh lovang tih hi thu thin ṭhawng a ni. Mahse, kan ram hruaituten Central-ah an thlen a, i mangang lutuk lovang u. Ka sawi duh chu, Mizote hian Pathian thu dik kalsanin insawiṭhaih kan ching hle a, hei hian nasa takin kan nun a tibuai ṭhin a ni. Sakawlh tih vel kan insawiṭhaih te hi ringtu dik tan buai buai tawh loh tur a ni.
Tlem lai deuh
aṭang khan gas kan hmu ṭha ta hle a, mipuite i lawm ang u. Lawmna chang hriat hi Pathian duhzawng pawh a ni. A ṭha lam atana in sawisel pawh hi hnam changkang tihdan a ni. Mahni hmazawn
ṭheuha ram tana hna-thawh hi eng thil mah a nep thei ngai lo. Gas agent te pawh hi mipui tana thawktute an ni a, mipuite en atana hmuhnawm en tur leh chanchin thar min hriltu Cable Television neitute pawh hi mipui tan tho an ni; an hna hi a hlu hle. Mahse, an thiltihtheihna an hmansual chuan eng-mah lo an ni thei. Ram leh mipui tana hnawk siamtu an ni thei.
Gas tihchingpen chungchangah sawr-kar-in dan hmangin khauh takin hma a la mek. Gas buk vek tur, Gas lakna Cash Memo lak zel tur, buk tling lo chu hralh loh tur. Heng bakah hian Gas Agent te leh mipui tih tur NGO (YMA?) tih tur leh, Local Council lo inrawlhna tur chin a awm. Mahse, hengte hi chaw sain a kang dai leh mai ang tih a hlauhawm hle. Mipui ṭanrual a va
ṭul ve maw le!
Essential commo-dity khuahkhirh chungchangah hian sawrkarin vawi duai lo order a ti chhuak tawh ṭhin, mah se mipui leh thuneitute lam kan ṭanrual loh avangin order tam tak chu a thisawn fo ṭhin. Kan ṭan rual loh chuan heng khuahkhirhna dan siam zawng zawng hi a thisawn chiang hle ang.
- Lallunghnema, Charity Lodge