Sawrkar hnathawk lal hrawt

Greek mithiam (philosopher) pakhat Cleon chuan kum B.C 422 daih tawhah khan sawrkar awmdan tur chu, “That shall be democratic which shall be of the people, by the people, for the people”, a lo ti dim diam tawh a. A awmzia chu, “democracy sawrkar chu mipuite ta, mipuite siam leh mipuite tan” tihna a ni mai awm e. Hei hi America President, Abraham Lincoln kh^n kum 1863-a Gettysburg-a a thusawiah a sawi chh^wng an ti a; mi tam takin hei hi ama irawm chhuak emaw an ti fo a ni awm e. Engpawhnise, a hming tumtu ber mipuite hian sawrkar lakah chuan beisei leh ph<t sang tak kan nei
ṭhin a, chu chu thil tih-^wm tak zuk ni a.

Sawrkar kan hriat leh hmuh dan hi a inang lo hlawm viau in a rinawm. Tun dinhmunah hian sawrkar tel lo hian ni khat lek pawh hi nuamsa in kan khawsa thei hlawm hauh lovang. A chhan chu, mimal leh pawl hovin min pek theih loh thil, sawrkarin min buatsaih sak hi a tam >m >m a. Inbiakpawhna leh inkalpawhna b^kah zirna te, tui leh >ng te, damdawia inenkawlna te leh khawtlang nun him te (leh a dang tamtak) hi sawrkar zar kan zo tl^nna pawimawh lian zualte a ni a. Zalen taka hetia thu kan ziak leh chhiar te, ei bar kan zawn theih nachhan te, Kohhran leh pawl ah zalen taka kan duh duh a kan awm thei te, awmze neia khawtlang nun kal kan siam te hi sawrkar tel lova kan tih theih loh tur deuh vek a ni.

Amaherawhchu, tuna kan awmdan mek han thlir hi chuan sawrkarna (governance) chu - “mipuite hminga sawrkar hnathawk te nawmchenna” han tih mai hi a dik lo miah lo. Sawrkar hnathawkte chu mipuite hming chhala nuam ch>n kan ni ber hian a lang. Thuneihna nei tam deuhvin an
ṭh^m hnem deuhva, ṭh^m tam ve thei lem lo pawhin mahni ph^k t^wk t^wkah chuan ṭhahnem kan ngai ve >m >m vek a ni ber e. Dik taka thawk ni a inngai te pawh hi awm nuam tak vek chu an ni tho tho. Mipuite hian a hming hi an tum ve satliah mai mai a ang deuh roh.

Sawrkar sum enkawl dan tur ‘General Financial Rules 2005’ hnuaiah a bik takin Rule 21-na a ‘Standards of Financial Propriety’ te hi thil pawimawh >m >m a ni a. Mahni pawisa, ren taka kan hman anga hmang turin sawrkar chuan min duh a ni. Sawrkar sum kan han thehthang danah pawh hian mahni tana hl^wk thei tur ang ber leh kan hl>p hnem theih dan tur chu kan ngaih pawimawh ber a ni fo. D^wt bill/ receipt siamin kan hman ral aia tam kan ziak lui a, hl>p neih tum r^nin. Chutiang ti thei a awm chu a ch^kin kan ch^k a, kan inchuh a ni deuh ber mai. Chutiang thil tih remchan riauna hmun office/ post 'mawm' leh mawm lo deuh pawh a awm a ni awm e. D^wt bill/ receipt siam a, hman ral zawh vek anga ziah hnu a sum chuangb^ng ang ang te mimalin an lo pumhmawm hi sawrkar hnathawk te sum siam dan tlanglawn ber a ni a. Chutiang thil tih chu sawrkar hnathawk zinga mi tam takte hna pui ber pakhat a ni.

Tin, kan nitin hnathawhnaah midang thil emaw kan khawih sak chang a awm fo a. Sawrkar hnathawk zinga eng emaw z^t hian ph<t l>t nei r^nin kan hna kan khawih ṭhin bawk. Eng emaw an rawn h<m loh chuan mi tam tak hi chuan hna kan ti kal thei meuh lo. Ph<t l>t nei ṭhin ho zingah chuan a lang a pauva sawi hreh miah lo an awm a, a r<ka ph<t kar ho pawhin t$mna an nei tawh lem lo. Chutia thil eng emaw ph<t tlat chu 'a tur ve r>ngah' ngai an awm ta thluah mai. Tin, a d^wrtu lam te pawhin eng emaw rawn keng deuh kher an awm ṭhin a, an file kal chak tir turin. He kalphung hi kan nitin sawrkar hnathawh na ah a inphum nghet tawh hle a. Ṭhiah tum pawh kan awm mumal lem lova,
ṭhiah erawh chu a ngai si a nih hi. A t> ber aṭanga a lian ber thleng hian he hri hi kan kai zo deuh vek tawh a, buaipui tham sual rit tak kan phur mek a ni.

Officer te phei hi chuan nuam chi tinreng kan ch>n a. Office-ah ni se kan thawhpuite ch>p takah thimthama kan khung khawm laiin, room zau t^wkah keini erawh chu a hmun ṭha lai apiang luahin kan in khung hrang a; nawmchenna chi hrang hrang nen kan in tuam hl^wm vel a. Motor dawn loh te hi kan hlau >m >m a, chu chu ropuina ah kan ngai miau si a lawm le! A hlawh tam tam hian
hamṭhatna kan dawng tam a, chu chu kan hnuaia mite’n th$k enah pawh an en ngam lem lo. Kan nihna in a ken tel ve r>ngah ruatin, ‘entitlement’ kan insiam belh zel a, lal >m >m hi kan thlahlel tlang a ni ber e. Kan thlatin hlawh hi kan nitin hna thawh te ngaihtuah chuan a tlem lemlo vek n^ in, kan hlawh b^k beisei kan nei ṭh<m mai hi min tibuaitu ber pakhat a ni.

Chanchinbu leh media dang hmangin kan MLA/minister te sulhnu pawr deuhva sawi hi kan umzui laih laih ṭhin a. A nihna takah chuan sawrkar hnathawk officer
ṭhenkhatte ch>t nasatzia hi mipuite’n kan hre pha lo hle. Kan ram hruaitu te hriat leh hmuh phak loh china sawrkar hnathawk te kan lo khawsak nasat ve ṭhinzia te - kan awmze diktak hi kan MLA/minister te pawh hian hria se chu an rilru a na viau maithei. Mahni hamṭhatna leh hl^wkna tur kan buaipui a talangin, a tu a mah hi han inzilh tur chuang kan awm b$k lova, kan in ten tawn a ni deuh ber mai. A chung lam
aṭang hian na takin min han ṭhuai deuh nawk nawk se la kan zia deuh awm e.

Hetia sawrkar hnathawkte nawmsak thu kan han sawi mek lai hian tu tu emaw han hmehbel tur chu mitthla ah an lo lang zut zut maithei. Dik leh rinawm leh thahnemngai taka thawk chu an awm tehmeuh mai; chutiang mite chu kan entawn zel dawn a ni. Tin, thuziak leh sawi chhuah kawngah hian sawrkar hnathawk te kan t$m mah mah niin a lang a. Conduct Rules leh dan dinglaite bawhchhe lem lo hian ram leh mipui hmasawn nan te leh, dikna humhalha puanzar nan te kan au chhuak ve zel dawn law’m ni?

Mipui nawlpuiin pawn lam aṭanga min hmuh dan chu tun ṭuma ka han sawi deuh duah ang hi a ni asin.

- Lalzahawma Kawlkulh