Pizawn/ puzawnte koh dan tur

He subject hi tun hnai hian sawi a ni ve ta fo mai a. Sawi vak ngai loin a chiang sa mai a ni lawm ni? "Ka pi, ka pu" tia koh mai tur an nih laia pizawn/ puzawn ni na na na a "Ka nu, ka pa" lo in tih te chu a inmil lo reng reng alawm. Kei chuan engtia in koh tur nge tiha in zawh pawh a ngaiin ka hre lo reng reng - "nuzawn/ pazawn" an ni lo. Chuvangin, kan nupuia nu leh pate hi "Ka nu, ka pa" in tih chi a ni miah lo.

The Aizawl Post 18th August 2016 a Pu Sanga Ralte, Luangmual Vengin a rawn ziah leh mi hrang hrang Pu Sanga'n a rawn ziah lan ka nu/ ka pa tia inkoh sawimawitute pawh hian an ngaihtuah chiang lo mai mai a nih ka ring rum rum mai. Engti kawng maha a tluk loh te an ni na a. Pi leh pu aṭanga an lo tih dan, tun hnu daiha engtia in koh tur nge tih tlai khawhnu leh tak hi tu han tihchhuah nge maw ni reng reng le?

Pu Chhuanliana, BVT pawhin chiang taka a rawn ziah tawh kha. Vawk talh nikhuaah pawh "Pu Sachawn" tiin a bawp hi Pu zawn (an nupuia pa te) an lo in pe ṭhin a ni ngai a. Ka pu/ ka pi tia kan in sawi
ṭhin kha ka pu/ ka pi tia kan in ko tawh dawn a nih chuan kan pi/ pu ten an lo chin ṭhin kha kan mausam dawn a nih chuan a ṭha lo hle ang.

Pu B. Hungliana, Vaivakawnin MUP Tlangau, April, 2016 a a rawn sawi fiam ang khan hmei-chhiate hian an unaupa te hi nuṭa ti tawh loin paṭa an ti dawn tawh tihna em ni le? Pi leh pu aṭang tawha an lo tih dan angin nupuite nu leh pate hi pizawn/ puzawn an nih ang ngeiin ka pi, ka pu tiin kan in ko zel ngei tur a ni.

- F. Vanṭhuama