COVID-19 CYBER CRIME PREVENTIVE TIPS

Wash your tech­nical hand: Ni khat­ah vawi hnih tal computer/ mobile clean fo la, junk file leh cache file tifai zel rawh. I hman loh laiin wifi leh bluetooth off zel rawh. I phone call log, WhatsApp data leh Google activity history uluk takin check ṭhin la, data ṭul lo leh ṭangkai lote clear fo rawh. Email attachment emaw hmun dang aṭanga file i copy hma in antivirus hmangin clean hmasa zel rawh. 

Keep cyber social distancing: I hriat chian loh leh hmel­hriat loh aṭanga phone call, message leh e-mail chhang lo la, attachment phei chu scan hmasa lovin hawng suh. Website link pop up na zawng click kher suh, tichuan buaina i pumpelh ang. 

Wear security face mask: Social media account profile-ah i nihna dik tak leh address kimchang ziak vek ṭhin suh. Account profile lock ṭhin bawk la, i ṭhian te chauhin profile photos leh i thu post an hmu thei ang. Firewall facemask hmangin data incoming filter zel rawh. 

Wear technical protective equipment (PTE): Online laiin internet khawvelah nangmah tichhe turin Virus, Spam leh malware ten an veh reng che tih hriain, Antivirus leh Firewall hmang la, PPE hmang­in inthuam fo rawh. I computer leh mobile venghim tlat rawh. 

Self Isolate & quarantine your documents: Virus leh technical problem laka inven nan mobile leh computer a i file pawimawh (thlalak, documents) te Digital Locker, Google Drive, Google photos, Pendrive etc ah backup zel la, password hmangin lock zel rawh. Antivirus hmangin check fo la, file rinhlelhawm te chu quarantine zel rawh. Social media kaltlanga donation nazawngah pawisa thawn suh. 

Check your tech­nical health & update your system immunity: Computer leh mobile a khat tawkin security scan hmangin check la, software update ṭhin rawh. Email, social media leh e payment password atan strong password hmang la, a khat tawkin thlak fo rawh. 

Obey Cyber Level­taskforce (CLTF): Sorkar, Bank leh mi ṭhahnem ngaiten SMS, social media  leh printed media kaltlanga security  guidline an tarlante zawm zel rawh. 

Stay home, stay safe: Online games uar lutuk suh. A ṭul lovah chuan online reng suh. Online shopping lakah fimkhur la, i hriat chian loh hnena mi online shopping ti lo la. Facebook leh WhatsApp-ah lang tam lutuk suh. 

Internet, mobile leh computer crime laka min venghimtu ṭha ber chu keimahni kan ni. Kan theh apiang kan seng dawn si a.