Pi leh pute aṭanga Mizote inkoh dan

Thil reng reng hian nih phung an nei ṭheuh a, nihphung nei lo thil te hi chuan hlutna a nei tlem ṭhin. Tun lai hian puzawn / pizawn te koh dan chung changah ṭhangtharte hruai sual thei leh Mizote nih phung tidanglam thei hial khawp chanchinbu leh media dang dangah hmuh tur a tam a, kan ngaih liam mai ai hian a pawi khawp mai.

Kan Mizo ziak loh danah hringtute chu kanu/ kapa, nute unau pa nuṭa chu ka pu, ka pa farnu chu ka ni kan ti a. Ka pa nu chu ka pi, ka pa pa chu ka pu kan ti leh mai a. Heng kan in koh dante hi ziaka dah ṭhata hetiang hian Mizote chuan kan hmangin kan in koh ṭheuh tur a ni, tih a awm chuang lo; mah se Mizo chhungkua chuan kan hman dan a ni. Hei hi thil nihphung leh kan hman dan a nih mek lai hian pian leh murna avang te, seilenna a zirte leh chhan dang dang avangte in heng kan in koh dan te hi zawm remchang lo leh zawm lova mahni duh dana in ko ta tam tak kan awm tho mai. Heng hi tuma sawisel theih leh khap theih an ni lo, mahni pi leh pu tur te, ka nu/ kapa ti tam tak hriat tur a awm ang.

Hetiang ang chiah hian, makpa in a pi leh pute a koh dan tur pawh hi ziak loh dan kan nei a, tuna kum sawm li chunglam hian chuan a dikzia kan hre vekin a rinawm, Pi leh pute hunah khan kan inlaichinna a ṭhat zawk nan kan innel zawk nan tih lam an ngaihtuah lo, ka pi/ ka pu tia ko duhin an ko mai a, duh lovin an ko lo mai. A thuhrimah pi leh pute hunah khan pizawn / puzawn te kha an ko tam lo ṭhin khawp asin.

Pizawn/ puzawn te koh dan Mizoten kan nei mumal lo leh kan duh dan dana koh mai hi Mizo nihphung anga ziaktu ṭhenkhatten an rawn tarlang fo mai hi a pawi khawp mai. Mizote nihphung, culture i ti hial teh ang, zahlohna pakhat a tling a ni. Tu pawh, a duh chuan mahni pizawn/ puzawnte chu lo nu in lo pa dut dut ang hmiang, anmahnin rem zawk leh an tana ṭha zawk tura an ngaih a hnu.

Kei erawh ka makpa chuan min pu ngei se, ka lawm zawk ang.

- PC Lalringliana