Sorkar changrel a sual em ni?

Aizawl khawpuia hman turin Aizawl Municipal Council kan nei ta a, Aizawl khawpui pawhin nasa takin hma a sawn phah ngei turah ngai ila. Amaherawhchu, sum awm loa din a ni nge, kan AMC hi a ril a ṭam ngang ni tur a ni ei tur a dap nasa hle mai.

Lei man an tisang a, tunah phei chuan property tax zawngin an kalpui leh ta a. He chhiah hi eng ang takin sang ang maw. Sumo stand khaw pawna a sawn chhuak hi a fuh viauin a lang a, hei pawh hi an ti lutuk deuh lo maw? Zing dar 6am hi chuan khawpui chhungah passenger lak hi phal se, zing dar 6 am hma hi chuan motor chhuak vak a la tam lo a, traffic a jam ngai lem lo.

Hman deuh khan Kelkangah ka han kal ve dawn a, kan veng aṭangin Bawngkawn Zemabawk road-a sumo man turin Taxi ka hmang a. A la zing deuh bawk nen Rs. 200/- ka chawi a, Kelkang Sumo man Rs. 500/- nen a tam duh hle mai. A hnu lawkah Mamit-ah ka kal leh dawn a, zingah Taxi Rs. 200/- chawiin Hunthar Veng ka pan a, Mamit Sumo ticket man Rs. 250/- nen a tam duh hle bawk. Ka ngaihtuah zawk chu thingtlang lam mi damdawi lam mamawha khawpui lokalte hi a ni.

An neih chhun damdawi manah hmang siin Sumo stand an panna tur man a la ngai tam si hi an lainatawm a ni.

Zing dar 8-ah school ṭan a nih hian kan tu kan faten zingah chawi ei tuilo zetin chaw an bar a, tiffin an pai a, tlai dar 3 velah in an lo thleng a. An rilṭamin ei tur an dap a. Tlai dar 6 velah zanriah kan ei a, nupangho chu an la puar deuh si, chawi an ei ṭha duh lo. Zan mut dawnah an ril a ṭam leh si.

Phai ram anga zingah breakfast ei, chhunah puar taka lunch ei, zan dar 8-9 vela chawi ei ṭhin tan chuan a dik thlap mai; mahse hei hi Mizo nunphung a ni ve si lo. Kan naupangte chawi ei mumal loh vangin an pum a khawlo zo dawn e.

Healthcare kan tih ve kha maw tiin mi pawisa pukin January thla khan Greenwood Hospital-ah kan lut a, Rs. 60000/- in kan in khul chhuak a. Bill kan la ve a, Rs. 18,000/- chiah min pe a, Rs. 40,000/- vel lai chu an cut vek min tih san a, sorkarin miretheite hamṭhatna tur a siam ve kha kan lo beisei ve si a, Healthcare hi innghahna tlak a ni miah lo.

AMC-in motor parking an siam belh vangin Republic Venga school naupang thlahtu pa pakhat leh parking fee khawntu an insual phah ṭep bawk. Naupang thlah­tu khan ka park lo, ka drop ringawt a nih hi a ti si!

Sorkar changrel hi mirethei tan a beidawnthlak a, kan awm zel dan tur hi a va huphurhawm ve.