Kan in hrethiam tlang hi ka lawm e

Vanglaini lamah hian lirtheia sun control bel an khap ve kher duh lohna inziak ka hmu fo a, a ṭantu lamnin Supreme Court thupek a nih thute an rawn ziak tawh a. Tunah chuan Mizoramah in hre­thiam tlang takin sun control vuahte pawh an pawhthlak tir ta lo hi a lawmawm ka ti khawp mai.

Vairama thil thleng nghawng avanga motor khalh tinuamtu, a chhung tidaitu leh zin nikhuaa tinuam em emtu sun control vuah kan han khap tlaikhawhnu ve a. Supreme Court thupek chhuah hnu daihah kan tharthawh ve a nih kha.

Mahse VIP lamin a remchan loh dante hriain an han vuah leh a, zawi zawiin mipui pawhin an vuah leh ta. Supreme Court thupek hi a tam khawp a, zawm sen a ni lo a, lirthei sun control thilah hi chuan in hrethiam tlang dial dial ila.

Lo ngaimawh tawk awm lo se, heti hian kan vuah tlang leh a ni mai a, kan in hrethiam tlang hi ka lawm thu ka rawn au chhuah pui ve mai a ni.