Kum 2016 Serthlum thar kum a nih huan neituten an beisei (A seng hmasa ser rah titla ṭhintu beihlet a ngai)

Nikum 2015 khan Mizoram hmun hrang hrangah serthlum a thar ṭha hle a, kumin 2016 ah phei chuan loneituten uluk zawka enkawl an tum mek. Huan neituten heng serthlum rah te hi a ram haw ang angin an chang lo ṭhin; a chhan chu a seng hmaa ser rah titla ṭhintu a awm vang a ni.

Rannung (insects) leh natna hri avangin serthlum a tla vak ṭhin a, chung ser rah tlak chhan langsar zualte chu ka han sawi dawn a ni.

Thlangdar (nezara viridula): Thlang-dar rimchhia hi chi hnih langsar takin an a, an hnawk hle. Serthlum a hmin hma kutzungpui tiat a nih aṭangin heng thlangdar te hi an lo alng ṭan a, ser rah an zuk ṭan mai ṭhin. Ser rah an zuk hnu hmuamhmaah hian natna hrik (bacteria) lutin serthlum rah chu a bei chiam mai a. Serthlum huan nei zawng zawng chuan kumin chu thlangdar hi control ngei ngei tur a ni.

A control nana tunlaia damdawi
ṭha bera ngaih chu lamdacy lohathrin a ni. A dose chu tui litre khat zelah 3ml pawlhin sprayer 16 liters burah 50ml pawlh zel tur a ni. Ni 7 danah vawi thum aia tlem lo kah tur.

Lungphur pheng-phehlep (fruit soc-king moths) (ophi-deres spp): He ran-nung hi lungphur phengphehlep ang chiah a ni ber a, a mizia a dangdai hle. Thimhlima serthlum rah bei chi a ni. A inthlah pung chak em em a, nikum khan Kanghmun tlangdung velah an tuar nasa hle. He rannung hluarnaah chuan kawng hniha chet vel a ngai.

(i) Insecticide lamdacylohathrin 3ml hi tui litre khat zelah pawlhin ni 7 danah vawi 4 aia tlem lo kah tur.

(ii) Buara/ saiip diesela leih huh hmun hrang hrangah thimhlimah hal chiam mai tur. Hetiang hian ni 6 danah vawi 4 hal chuan rannung eichhetu hi an rem vek mai ṭhin a ni.

- C. Lalkima, Bethlehem Veng, Aizawl