MPSC HNUAIA EXAM BIHCHIANNA
Kum 2012 aṭang khan MPSC chuan UPSC tih dan zawmin State Civil Services Prelims exam a introduced ve ṭan a. Civil service Prelims exam introduced a nih aṭangin kumin thlengin MPSC exam conduct hi sawisel a hlawh ziah hi a pawi ka ti, thawktuten hmasawn lam an pan ve zel turah beisei ila.
MPSC erawh chu, 'Free, Fair and Excellent’ an nihna tur pawh engtikah emaw chuan tun aia sang zawka an pho chhuah hun pawh ala awm ngei pawh ka ring. MPSC hian kum 2012 aṭangin Civil Service exam conduct-ah UPSC Civil Service Syllabus a zawm hi candidate-te tan chuan chona lian tak pakhat a ni awm e. UPSC CS prelims exam, decision making-ah hian negative mark a awm ngai lo a, amaherawh chu MPSC CS prelims exam, decision making-ah erawh chuan negative mark a awm a, hei hi MPSC prelims question danglamna pakhat a ni.
MPSC-in CS prelims exam a negative marking an siam hi exam ti hlutu leh a thiam leh thiam lo tichiangtu ber a ni hial awm e. Chutih rual chuan Group B leh C (Gazetted leh non Gazetted ) Posts hna lak exam-ah negative mark a awm lo hi thil pawi ve tak pakhat chu a ni. Candidate tam tak thiam mang lova risk attempt avanga tling an awm fo hi thil zahthlak leh MPSC exam ti zahawm lotu leh tihniamtu a ni fo.
June 23, 2015 Vanglaini chhuakah khan Pu Ramdinsanga’n a tarlan tawh angin khawimawlai website a MCQ (Multiple Choice Question) a ngiala ngana copy a ni ṭhin hi question set-tute hian sim se a ṭha ang. Chutih ruala local market-a study materials tam tak hi question set-tute hian bel chiang mang loin exam question set nan an hmang fo a, kum hmasa lam exam 2012, 2013 leh 2014 ah khan complaint thehluh ngai khawpin Question & Answer-ah dik lo a awm a nih kha. Tin, 2015 prelims exam-ah pawh khan Paper I (Booklet Series- A) a Question No. 47 pawh kha compensate ngai khawpa fimkhur lo leh uluk loh a ni kha a pawi khawp mai.
Syllabus a changkang ang hian Question pawh hi changkang se la. Hmasawn kan zir a nih chuan State dang Public Service Commission, IBPS, SBI te leh SSC hnuaia competitive exam, level hrang hrang - MTS (Matric level), Combined Higher Secondary level leh Combined Graduate level-ah te pawh negative marking an awmtir vek ang hian Mizoram State Public Service Commission pawh hian OMR sheet a chhan chi-ah hi chuan eng level pawh ni se negative marking hi awm tir ngei se, hmasawnna lian tak pakhat a ni awm e.