Lirthei i khalhin…

I duhna hmun i thlen theih avang ngawtin duh tawk mai lo la, lirthei khalhin ken tel tam tak a neihte hriat ve ngei tum tlat ang che.

Phai khawpui kawngpui ṭhaah chhiar sen loh tih mai tura tam lirthei an tleng del del a, khawvela lirthei changkang ber ber pawh an tam. Mahse, (rilru lama) dawhtheihna leh hawihhawmna erawh an tlachham tlat thung. Aizawl khawpui (city) hi motor horn rik lohna (silent city) an ti hial pawh hi a awm hle. Hawihhawmna kawngah chuan mizote hi min tluk lo. Amaherawhchu, he tah hian duh tawk mai lo la, hmasawnna tur thil tam tak la awm hi zir zel ang che.

Kan hmaa lirthei tlanin kawng min ken hian lawmthu sawi n^n kan ‘p$t p$t’ ṭhin (a bikin khaw k^r kawngah). He tih dan mawi tak hi chhawm nun hre hauh suh la, chawi belh a ngai lo, a thlawn a ni. A kiantu t^n lah thil lawmawm, mi dang ken lehzel ch^kna min neih tirtu ni.

Hmaa motor ding an awm hlek a, a enga mah hmaa horn hmeh rik nghal ringawt zel hi a lo mawi hauh lo - rilru puitling lo-zia a ni. Minute hnih khat t^l pawh mi dang ngaich^ng hman lo khawpa hmanhmawh (emergency) te kan nih loh chuan, hmaa mite ding ngawi renga lo nghah ve mai hi hawihhawmzia a ni. Tin, mi dang dal z^wnga kan d$ng dawn a nih pawhin mi dangte ngaich^ng hram hram ila, a mawi hle bawk.

Hnunga mite hnena ‘min tlan pel rawh’ tih n^n dinglam (indicator light) kan tieng v<t v<t ṭhin hi Silchar truck driver-te tih dan kan entawn a ni an ti ṭhin. Tlan muan deuh hlek a, veilam tihen mai tur a ni awm e. Mi dang an awm lo nia kan hriat pawh hian signal ngai pawimawh tho ila. Chawpchilh taka signal light tih-en a, duhna lam hawia kawi thutte phei chu hlauhawm tak a ni. Chhiat rupna a thleng dawn a nih loh phei chuan din thut hi khap bur a ni hial awm e.

‘Traffic dan zatve aia tam hi hawih-hawmna thil a ni’ an ti ṭhin. Zaidam hram hram thei lo chuan zawm har an ti ṭhin reng a nih hi. Lirthei tlawh lir ve thei mai, sapui hliam ang maia tai hlek chuan min pawt darh vek duh mai anga tih tur khawp an awm ṭhin. Heng mi thinram lutukte hian driver hmel an tibal. Lirthei khalh hi thil awlsam a ni, uanpui vak chi a ni lo. Hawihhawmna nena lirthei khalh erawh mite t^n damna a ni. Motor i khalhin driver hawihhawm ber p^wl nih tum tlat ang che.

Traffic police-te hi kan hmuh lai chauhva duty an ni lo va. Kan awm mai mai lai pawha hah taka lirthei che vel lo enkawltute an ni. Mi inang lo tak tak pawh kan tawng nual tawh hlawm ang. An aw ki a lo s^ng deuh a nih pawhin (ngam loh vang ni lovin) a hrethiamtu leh tlawm zawk nih hi zir thar hram ang che. Mi dang t^n malsawmna nihna a ni reng si a.

Hma lama motor lian tlante hian a remchan veleh inpelh tir an tum ve tlangpui. Hmun remch^ng lai an z^wng ve reng ṭhin. Lo nawr tut tut hian an tan a hrehawm a, a thinrim thlak lek lek zawk
ṭhin. Keini chauh ni lovin mi tam tak kawng kian reng rengin an awm a ni tih hriatpui la (kohhran hian thla tin i t^n ṭawngṭaina hun an hmang ziah ṭhin tih hre rengin), ‘aw, nghak hram la, phun nawi mai lovin’ tih hla kha i nunpui hun tak a ni reng mai.

Motor khalh leh fimkhur hi thil kalkawp tlat a ni a. Fimkhurna tlachham tak motor khalhtu zingah an awm zel dawn. Thiam intih tawk vang a ni tlangpui, m^wlna leh chapona lantirna mai a ni thei. Fimkhur ngai tawh lo khawpa lirthei khalh thiam a awm theih loh.

- Lalmuanzova Khiangte,

Lunglei