MNREGS sum hmanga Lunglei Theiriat Venga Terrace siam chuangchang kha

Vanglaini nitin chhuak chanchinbu hi kan lo chhiar ve thin a, thu bengvar thlak tak tak te leh Article ngaihnawm tak tak chhiar tur a awm reng laiin tunhnai maiah hian thu belhchian dawl lo vawi hnih lai in rawn tichhuak a. Kei ni Lunglei Rahsi Veng mipuite hian pawi kan ti hle a, he i chanchinbuah hian kan han tarlang duh a ni.

August ni 9, 2016, Vanglaini phek 2-na-ah khan 'MNREGS sum hmanga Lunglei Theiriat Venga Terrace siam' thlalak in rawn tarlan kha Theiriat ni lovin Lunglei Rahsiveng a ni a. Dik lo taka in rawn chhuahna chhan hi, chhuah tura rawn petu che u hian dik lo takin a rawn pe che u a nih a rinawm a, tlai khaw hnu deuh tawh mahse Lunglei Rahsi Veng VC te MNREGS sum hmanga hmalakna a ni tih ka han tarlang duh a ni e.

September ni 6, 2016 (Thawhlehni) khan Pu LP Thangzika Ex-Deputy Speaker chuan chatuan ram min lo pan san ta a. Pu LP Thangzika hi Rahsi Veng khua leh tui dik tak, Rahsi Veng Baptist Kohhrana lawi, Baptist Upa a ni a. Kohhran tana
ṭhahnem ngai tak a nih bakah Rahsi Veng paho zinga Politics-a thleng sang ber a ni. Rahsi Veng mipuiten kan ngaisang em em a, kan ui tak zet a ni.

Hetih lai hian Vanglaini September ni 7, 2016 ah chuan Pu LP. Thangzika, Lunglei Venglai tiin a rawn chhuak leh daih a, Rahsi Veng mipuite chuan pawi kan ti tak zet a. Pu LP. Thangzika hi Lungleia a lo pem luh hun lai (1957) hian Lunglei Venglai hi a la awm lova, Lungleia a rawn pem luh hian Rahsi Vengah ngei hian a inbeng bel a ni zawk a, a hun tawp thlenga a lo chenna a ni e.

Tichuan, heng thu tihdikna te hi i chanchinbu Vanglaini-ah hian tarlan nise a lawm-awm hle ang.

- Johnny Zoramthanga

Village Council Member

Rahsi Veng, Lunglei