Hman deuha in vei ei leh in senso kha

Chanchinbu chhiar ṭhin ṭhatna chu mi chi hrang hrang ngaihdan kan hre ṭhin hi a ni. Hman deuhah khan kohhran inkhawmpui nikhuaa thingpui hmeh leh chaw ei mana insen nasat thu kha kan hmu ṭhin a, ka lo ngaihsak lem lova, tun ṭum Presbytery inkhawmpuiah khan a nemnghehna ka hmu a, han tui hnih ve leh a ṭhain ka hria.

Rorel inkhawmah palaiten thingpui kan han in dawn a, a semtu lam nalh taka inthuamin an lu pawh an rawn tuam vek a, kan thil ei leh in kha ka han en a, hotel changkang kan ngai miah lo. Item chi li kan ei a, a ṭhen chu lian
ṭha nelh nawlh a ni a, a ṭhen chu tereuhte, sakhat deuh tui zet mai a ni a, a man awm ka chhutin a tlawm thei lo tih bak ka chhut thiam lo.

Rorel palaite ruai ṭheh ni zet kha chu kan hnianghnar asin. Aa chi thum a awm a, a kawchhung leh a chek-te nen chuan sa chi nga ang pawhin a sawi theih a, rawt leh a behbawm a ṭhahnem si a, Presbyterian in-khawmpui zet zawng tisa leh thlarauah kan tlai hle mai, tih hre chiang a, missionary quarters sakna tur leh ram thima biak in sakna tura thawhlawm an mamawh zatte ka rilru chuan a chhui neuh neuh a ni.

- Lalremmawia