FAK TLAK

Vanglaini issue 14/10/2016-ah khan Pu R.K. Lianzuala'n gas chungchang harsatna a thling bawhawkin a rawn ziak a. A subject-ah a chiangin, a kaikuang tak a hre bawk a, kan sawrkar mawng pawh a rawn hlim sang kher mai!

British Prime Minister Churchil-a'n, "Hmelmain tuipui an rawn kai a nih chuan kan saidawium te hian kan lo chhu ve mai tur a ni," a tih ang deuhin Pu R.K. Lianzuala'n, "Kan mipuiten chaw hel an ei ai chuan sawrkar truck (motor) zawng zawng hi gas phur tura tirh thlak mai tur; chumi a remchang lo a nih leh ko talin kan pu hrim hrim tur a ni" ti meuha a'n ziah chuan 'a sawp chu nasa tak a ni’ tih ang deuhin a nghawng chu a na ngiangin ka hria. Kan Supply Minister pawhin sawrkar motor (truck) phurh tir dan tur tal a ngaihtuah ve ta ruai mai! Pu R.K. Lianzuala hi fak tlak a va ni tak em!

Chu mai a ni ne'm! State sawrkar tih theih loh leh tih ngam loh gas bur tihchingpen YMA-in a han dap chhuak ta hi a ropuiin, fak an phu tak meuh meuh a ni. He an thil ṭha tih avanga mi pamhamte'n gas an phurh ṭhat duh tak loh avanga harsatna kan lo tawh hi chu rei a ni em lovang chu maw.

Kei pawhin ei-rawngbawlna thukte ka lei thar phah ve ta mai. Mipuite pawh-in thil ṭha zawk chhuah-na tur a nih dawn phawt chuan tuar kan huam ve tur a ni ang chu. YMA nge nge!
ṭang fan fan!

- J. Sawilaia