Traffic Jam Tih Ziaawm Nan

Kan hmuh leh kan hriat angin Mizoram khawpui ber Aizawl khawpui chhung Traffic jam nasa hi Sawrkar leh mitthiam te’n kawng hrang hrangin a solve dan tur an sawihovin an ngaihtuah fo thin a, engemaw chen chu a ziaawm phahna chen chu a awm, Chutih rualin kan khawpui chhung kawng hi engtik ah mah hei aia tih len belh dan a awm tawh lova, Lirthei erawh tiam chin awm lovin a pung kumtin zel si a, a la tawt tulh tulh zel dawn a ni. Tun dinhmuna Aizawl khawpui chhunga Lithei chevel mahni hmuh ve phak chin atanga a lan danin Lirthei thenkhat Aizawl CITY Bus/Institution/Hospital/Department Bus nitin regular taka tlan thin ho hi tun aia tih tet(Minimized) nise, Passenger 10 atanga 15 seat Capacity ai lian hi chu hman loh ni ta se, heng Bus lian Servise ho hian khawpui chung an ti tawt zual niin a lang, Motor insulpelh ah an hnawksak leh zual em em a, chu chuan Traffic a ti zam nasa lo thei lo a ni.

Chutiang ruahmanna chu chawp leh chilh a tih nghal mai theih a nih dawn loh avangin Sawrkar Department lam tan chuan kum2/1 chhung pawhin tih danglam mai theih a ni ang a, chutih rual chuan Private Institution leh Private City Bus Service ho tan chuan thil harsa tak a nih dawn avangin, Sawrkar nen inremsiamin emaw kum 5 chhung atan plan siam nise emaw, Sawrkar lamin ruahmanna fel fai tak hmangin ruahmanna siam se, hei hi tun atanga kum 2/3 hnu ah kan tih loh chuan kan khawpui chhung Traffic tawt lutuk leh Jam nasa lutuk hian kan nunphung a ti buai viau dawn niin a lang. He ruahmanna hi kan ti thei a nih chuan Aizawl khawpui chhung Lirthei tawt lutuk hi engemaw chen chu a tih ziaawm phah ve chuan a rinawm.

- Dika Vantawl