Khehpuamah ka lung a la awi lo
Hman ni khan khehpuam an tih mai pseudoephedrine kawltu court rorelna an sawi ka ka lung a awi thei lova, an hremna kha a nep tham ka ti. Vanglaini-a a inziah dan chuan, "Aizawl District Court chuan pseudoephedrine mum 2,300,000 kawl avanga man chu thiam loh a chantir a; kum nga táng tur leh Rs. 50,000 chawi turin a hrem," tih a ni.
Khehpuam hi a hre chiangte chuan ruihhlo a nih loh avangin a kawltu hi man theih a ni lo an ti a ni awm e. Ṭhenkhat lahin ruihhlo siamna hmanraw hlauhawm tak an lo ti ve bawk si a, chu vanga a tlawha tawlh huau huau kan nihlaia a pseudoephedrine kawltu ber an hremna lo chhuah chiah hian thil hlauhawm lo tak a ang ta hle a ni.
Hei hi han chhui chiang ta ila, pseudoe-phedrine vanga man tam zawk chu thiam loh chantir an ni lo an tih chu mawle. Aizawl khawlaia chhun en laia pseudoephedrine tam tham tak an mante thleng kha, a neitute kha an man lo a ni awm e. Mizoram deng chhuak khawpin pseudoephedrine chu khaw enlaiin case tam tak man a ni a, kei ni mi mawl chuan, "E he le, an va han tang rei dawn em!" kan lo ti a, mahse an thuremna a chhuah meuh chuan an tang lo a ni hial awm e.
Tichuan, tuna pseu-doephedrine mum nuai 23 kawltu kum nga tang tura an hrem hi an hrem nat pawl an la ti ta deuh deuh a, heng thilah hian a hremtu judge leh a court lam hi dem an awl a, anni lam ni lovin a dan siamtu lam zawk hi kan dem dawn lo em ni? Danin a phal loh thil nia lang hi kan danah chuan dan ang thlapa tawlh theihte an ti lehzel a, pseu-doephedrine kal danah hian ka lungawi thei lo.
"Champhai leh a chhehvela police chu an hausa thut zel" an tih fiamthute kha ka ngaihtuah let hian a tak a lo i dawn em ni aw, tih loh theih loh a ni a, khaw chhak lamah khian tun hnai kum nga chhunga hausa thur thur an tam a, hengte hi man lohin an chhuak vek a ni awm e.
Engpawhnise kei chuan pseudoephe-drine hi ruihhlo tlukah ka lo ngai a, kan dan neih ve hi chuan a ngai lo a, a kawltu leh a tawlhtute a hrem dan en hian pseudoephedrine hi kan haw lova, he thil hmanga inti milian te pawh kan in tlawn siak a, nakin lawkah chuan Mafia hunlai an sawi angin kan ram hi a la awm thut thei a nia.
- Lalrinkima